محناش عجايب فى الحيـــــــاه أحنا بشــــــــــــــر
أحنا اللى زيننا الحيــــــــــــاه بأمر القــــــــــــــدر
جوانــــا ساكن خيـــــــر مهما الشيطان اشتــــــــــر
واللى بطبعه الخــــــــير مبينكويش من الشـــــــــر
وما دمت مختار اتجــــــــاه فى الحياه انت حـــــــــر
حاسب ضلام الطيـــــــش ولعبت دنيتــــــــــك
وتلاقى نفسك رهن وهـــــــم مفـــتـــفـــتــــــك
وفى وسط ناســـــــــــك تشكى من غربتـــــــــك
تهرب من المـــــــــــر اللى نابك على الامـــــــر
وما دمت مختار اتجــــــاه فى الحياه انت حـــــــــر
أجمل ما فى الدنيـــــــــا نعيشها لبعضينــــــــا
تبقا لى وابقالــــــــك سند فى ضعفـــــــنا
تبقا لى وابقالــــــــك ونس فى صبرنـــــــا
تبقا لى وابقالـــــــــك من الاحزان مفــــــــر
وما دمت مختار اتجــــــاه فى الحياه انت حــــــــــر
صلاح سليمان
