اتلم يا بديـــــــــــــــــــــــــع

اتلم يا بديـــــــــــــع

الشعب قال كلمته والدنيا اهي سامعـــــــــــــــة
مش لك عنين بتشــــــــــــوف ولّا البعيد أعمى
شرعية الصندوق الشعب قال "بطـــــــــلان "
شرعية الشعب ده واضحة ف كل ميــــــــــدان
قصـّـر ولِم الدور واتلم يا المرشـــــــــــــــــــد
الكل قالك غور المصري مش ملحـــــــــــــــــد
أمريكا مش نافعاك والمصري ما بيخافــــــــش
المصري ده جبار بس انت ما بتفهمــــــــــــش
لو تفهمه تكسبه وتبات ف نن عنيــــــــــــــــه
تســتعـــبطه يورّيك أقدم حاجة ف رجليــــــــه
أما انت شخص غريب وبتاعـــــــــك المرسـي
بتضحوا بالشـــــــبان في النار فدا الكرسـي؟!
هو انت جنســـــــــــك ايه تِعبان لفظ سمّـــه؟!
بتحرّض اللي معـــــــــــــاك يقتل أبوه وامّه؟!
ياخي اخـتشـي واتــلـــم واخفى بقى وامــشي
فكر في مصر أهـــــــّــم بالنار ما تلعبـــــشي
طب قوللي ابنك فين؟! ما بترمهــوشي ليه؟!
ولا انت باسم الدين برضه حافظـــــت عليه؟!
أنا قلتـــــــها لـــــلــّــــه ومسِيرنا نتحاســـــب
السلطة ولا الجاه دي زايلـــــــة يا خــــــــايب
حافظ ع اللي معاك دول أهلنا وناســـــــــــــنا
ف دراعنا ح نضمّهم والجيش بيحرســـــــــنا
ولا ترمهمــشـِي ف نارما تطيقشـــي دخــانها
وانت ومعاك ألاديــــش واقفين بعيــــــد عنها
روح انت والقيادات فارقونا لحماســــــــــــك
همّا أكيـــــــــد أهلـــك همّا أكـــيد ناســــــــــك
والدم ده اللي نزف في رقبة اللي جابــــــــوك
انت ومعاك ألاديــــش ولا مرة يوم حاســبوك
أما البلد يا بديـــــــــــــــع ف رباط ليوم الدين
ولا ألـف زيك قدر يضرب بها إسفِــــــــــــين
مصر البهيّة وطن عايــــق ف تــوب عصري
مســلم مسيــــــــــــحي سوا الكل أهو مصري
لا بننتـــــــمي لإخوان ولا حتى ســــــــــــلفية
بلدي ح تفضـــل كده معجــونة مصرية....&

عربي شريف
مليونية شرعية الميدان
الأحد7 / 7 / 2013م