انتبه من فضلك الثورة ترجع إلى الخلف ..؟؟!!!

انتبه من فضلك الثورة ترجع إلى الخلف ...!!!

سؤالي باحاول ألملم
حروفه..

بكل اللي شايفه ومش
عايز اشوفه ..

صحيح احنا قمنا بثورة
ف يناير ؟!

صحيح انتفضنا وجبنا
البشاير ؟!

صحيح اللي جاي ف البلد
دي جميل ؟!

صحيح بكرة أحلى بخضرة
ونخيل ؟!

باحاول أصدق

كلام الضمير

واكدّب عنيّه اللي
شايفة المصير

مصيرنا يخوّف

مصيرنا خطير

وده لو فضلنا

ف توب الضرير

كاميليا وعبير ؟؟!!

وسوسو وسهير؟؟!!

ولسّه وياما أمــّر
اللي خايفــُـه

وحاسُّــه ولامسه

وبعنيّه شايفـُـه

شوارع بتصرخ من
البلطجية

بتسأل في لهفة...

فين الثورة
ديـّـه..؟؟!!

ومسجد بيصرخ ومن جوّه
قلبي

أنا ملك ربي

ما نيش ملك سلفي

ولا ملك حنفي

كنيسة تولّع

في مشهد غريب

وواحد يطبّق ف شرعه
العجيب

ويقطع ودان

اللي يلفظ بعيب

ولا فيه قانون

ولا يحزنون

وفيه إيد خفيّة

وماهيش خفيّة

بتجمع فلول

وتزعق تقول:

أنا لسّه برضه الكلمة
ليّه

ولابد صوتي يجلجل
..يسمّع

وإيدي ح تهدم

وتخرب تولّع

راح اهدم ضريح

وأدبح جريح

واضيّع فلوسكم

وأزرع بذور الفتن في
نفوسكم

ح افرّق ما بين الهلال
والصليب

وآخد من اللي يناصرني
حبيب

وأعلن في حربي على
المخلصين

ولا ليّه مبدأ ولا ليه
دين

ح افك الإيدين

وأعمي العنين

وغضبي ح اصبّه عليكم
أكيد

وجازي ح اكبّه على
النار تقيد

راح اخرب دياركم

واشتت قراركم

واحوّل حواركم

لفوضى تزيد

واخليكوا تتمنوا يوم
من عهودي

وتتمنوا تاني جناين
قيودي

سجوني وحدودي

ح اقطّع وصالكم بسيفي
المغطّي

واخلّي دا مسلم واخلّي
دا قبطي

ما فيش حد مصري

ما دام دا مش في عصري

ح اسوّد عيشتكم

ودا عندي حصري

سلاحي حبايبي من
البلطجيّة

ح انظّم في فوضى

بديمقراطيّة..........

......................

آهو ده اللي شايفه

في حلمي المخيف

وشايف غلابة

ربيعهم خريف

بتشحت في قوتها

وتمن الرغيف

و بتثور عليكم في
عينها الدموع

وتهتف قصادكم

كفايانا جوع

وتنده:

يا حسني

يا ريتك تعود

يا ريت الرجوع

...........

يا ساتر من اللي ح
نوصل إليه!!!!

ويا ويلنا منه

مخبّي لنا إيه ؟؟!!

يا ثورة يناير

بقيتي في ورطه

وباسأل لإمتى ...؟!!!

وفين المحطّه.؟؟؟!!!!

ولادك بيتخانقوا ..!!!

فاكرينها تورته!!!!

كلامي بحسرة

بديته ونهيته

وحلمي وكابوسي

بدمعة حكيته

ويا كل عاقل بحكمة
قريته

طاوعني وفكّر

حدثنا كبير

ودقق وقدّر

وكن مستنير

وطفّي حريقك

وحدّد طريقك

وإرسم بإيدك

خطاوي المصير
.........&

بقلم
/ عربي شريف

أستاذ عربي!! دانت ماخليتش حاجه إلا وقولتها. بسم الله ماشاء الله عليك وعلي قلمك الواعي الفاهم . دمت طيبا ودام ابداعك . وربنا يستر علي مصر والمصريين... مع ودي و احترامي وتقديري

حسن الجمال كتب:: أستاذ عربي!! دانت ماخليتش حاجه إلا وقولتها. بسم الله ماشاء الله عليك وعلي قلمك الواعي الفاهم . دمت طيبا ودام ابداعك . وربنا يستر علي مصر والمصريين... مع ودي و احترامي وتقديري

الأستاذ الفاضل حسن الجمال
هموم مصر هي همي وهمك وهم كل مصري
ربنا يستر فعلا
شاكر لمرورك العطر

الشاعر المتميز عربي شريف

كلماتك المعبرة ضغطت على جراح المصريين بقوة

ليتنا نفيق قبل أن تجهض انجازات ثورة ضحى من أجلها شباب البلد بأرواحهم

الغد يحمل خيراً كثيراً لو أفقنا

و هموماً أكثر لو ظل حالنا على ما هو عليه

تحياتي لقلمك الرشيق

الزهيري

الاستاذ الشاعر عربي شريف

تحياتي اليك والي قصيدنك الرائعه

والتي جسدت فيها حالنا هذه الايام

وأنا معك أخي وأشعر بما تشعر به

من أوجاع تجاه ما يحدث وخصوصاَ

ديول النظام اللي ما حد قادر عليها

الي الان وتصرفات بعض الناس الخارجة

اتجه معك الي الله سبحانه وتعالى با الدعاء

أن يجعل مصرنا دائماَ أمن وأمان أمين

كل التحية والتقدير لفنك الواعي

جابر الزهيرى كتب:: الشاعر المتميز عربي شريف

كلماتك المعبرة ضغطت على جراح المصريين بقوة

ليتنا نفيق قبل أن تجهض انجازات ثورة ضحى من أجلها شباب البلد بأرواحهم

الغد يحمل خيراً كثيراً لو أفقنا

و هموماً أكثر لو ظل حالنا على ما هو عليه

تحياتي لقلمك الرشيق

الزهيري

أستاذنا العزيز جابر الزهيري
تحياتي لشخصكم الحبيب
وأدعو الله أن يسترنا وستر مصر الفترة المقبلة
شاكر لمرورك العطر

يسري حنفي سرحه كتب:: الاستاذ الشاعر عربي شريف

تحياتي اليك والي قصيدنك الرائعه

والتي جسدت فيها حالنا هذه الايام

وأنا معك أخي وأشعر بما تشعر به

من أوجاع تجاه ما يحدث وخصوصاَ

ديول النظام اللي ما حد قادر عليها

الي الان وتصرفات بعض الناس الخارجة

اتجه معك الي الله سبحانه وتعالى با الدعاء

أن يجعل مصرنا دائماَ أمن وأمان أمين

كل التحية والتقدير لفنك الواعي

أستاذنا الكبير يسري
تحياتي لشخصكم الكريم والقريب إلى نفسي
وأؤمّن على دعائك بأن يحفظ الله مصر في الفترة المقبلة
شاكر لمرورك الزاكي

يشبت العمل لروعة الشعر والشاعر
مع اطيب الاماني وأرق المنى لشاعرنا الرائع

يسري حنفي سرحه كتب:: يشبت العمل لروعة الشعر والشاعر
مع اطيب الاماني وأرق المنى لشاعرنا الرائع

أشكرك أخي الكريم على التثبيت ودمت لنا

جميل اوي يا عربي شريف دائما ماتضع يدك علي بيت الداء
لكن لا تيأس من رحمة الله وانشاء الله بكرة احسن من النهاردة واحلي كتيييييييييييييييييييير من ايام سودة انتهت وربنا لا يرجعها ومصر كما ذكرها الحبيب " مصر في رباط الي يوم الدين"

تحياتي

سلوى سيد عبدالعزيز كتب:: جميل اوي يا عربي شريف دائما ماتضع يدك علي بيت الداء
لكن لا تيأس من رحمة الله وانشاء الله بكرة احسن من النهاردة واحلي كتيييييييييييييييييييير من ايام سودة انتهت وربنا لا يرجعها ومصر كما ذكرها الحبيب " مصر في رباط الي يوم الدين"

تحياتي

لا يأس بعد اليوم يا سلوى
فبرغم أن المعاناة في أيامنا هذه زادت عن الأيام السوداء التي تحدثت عنها
إلا أن الأمل في بكرة يزيد وبإيمان في التحقيق بعد أن كان الأمل في تلك الأيام السوداء معدوما بالمرة
شاكر لمرورك العطر

تحياتي لهذه القصيدة والتي تنبأت بماحدث قبل أن يحدث

ولكن الأمل في مصر وأبنائها المخلصين أن يحفظها الله دائما

» الثورة ادم
» مساجلة من وحي الثورة
» رباعية ( الثورة)
» أول روائع الأبنودي بعد الثورة " الميدان "