زحمة سير (للشاعرة هناء سعيد)

زحمة سير

وبحس
النهار فاضل
وباقى معايا منه
كتير
مصاحبنى
ف زحمة سير
مآنسنى أنا والغير
مواعدنى
يقابلنى بفرحة وبُشرة
تِسْعدنى
تصبّحنى صباح الخير
صباح الخيرعلى عيونك
يا شمساية
ولسة يادوبها راح
تشرق على الايام
تسلمنى نهار يُبدُر
بشاير تملا دُنيتنا
مآذن خضرة لجوامع
تجّمع بين كنيسة ودير
تسّمعنى غُنا العصافير
تفرّحنى
بأرض عفيّة راح تطرح
سنابل قمح مروية
ولا تمنع خطاوى السير
ولا تسمح لأى مرور
وبيعادى
صباح نادى
لعم هلال وبينادى
على المشغول وع الفاضى
على الماشى
يقوله تعالى يا ابنى ودوق
بليلة طعمة حلوة يا ذوق
ونسترزق ف صُبحية
وتنده ست حُسنية
بربع جنيه ياعم هلال
بليلة وهات من القدرة
بخمسين فول
وعم هلال يبص لفوق
وعندك
فول بنص جنيه
مع رغيفين
لتسعة من العيال
قاعدين
على شلتة وطبليّة

وعينهم باصة مُشتاقة
وطالبة الفول بِحنّية
ومش طالبة
كلام عافية ولا خناقة
أملهُم لُقمة وهنية
تِشبعّهُم تكفيهُم
ولو مية (100)
وقوتهم
يعنى حَبة فول
ولُقمة
فاضية وان طالت
ولا تطول غير
شوية
مية من غير فول
صباح النور
ياقمراية ونور ونّاس
دا نورك كُحلة ومْرَايا
وحاضنة الشَنطة والكُراس
ورايحة المدرسة بدرى
تشوفى دُنيتك تجرى
مع الأصحاب وبطفولة
وضحكة بتلعبوا الأولة
ونداغة وعسلية
وأحلام حلوة لصبية
وفارس
فوق حصان أبيض
وصُحبة
ورد فى الكوشة
ف يوم العُرس والزفة
وعُملَه نحاسْ ومْنسية
لكين بترابها مكسية
وتتراهنوا
ومين راح يبدأ الرّفة؟
ملك إحنا كتابة إنتوا
وايه المعنى؟
هانفتح مُعْجم التفسير
ملك معناها عارفينُه
ملك يعنى
أبوه سُلطان
ومتسلّطن
بقا له زمان
وراسم خطة للتسيير
هدفها
الهد والتدمير
ملك يعنى
خليفته أمير
وبينهم حُب وحبابة
ودى كِتابة
كتابة وحِبرها سِرى
ومش متشافة شافيينه
وجع ياما وسوء تفكير
مفيش تغيير!!!!!!!!!!
مفيش تغيير !!!!!!!!!

!

جميل شعرك قوى يا أبلة هناء

وليه شكل معين مختلف عن غيره

بجد حلو قوى

الأخت الشاعرة الرائعة هناء سعيد

بجدإبداع ماحصلش

مش عارفة أقولك إيه

بس لو سمحتى أقرى سورة الفلق

وامسكى الخشب الحسد وحش برضو

دمتى بهذا الإبداع الراقى

هناء حببتى كل كلامك زى العسل

وأى حرف منه زى السكر

وحشنى إبداعك وواحشنى أكتر التواصل معاكى

عايزين نشوفك عالطول فى هنا وسعادة

الجميلة / قطر الندى

اشكرك على المرور الجميل

على فكرة انتى اللى جميلة جدا علشان كده

شايفة اللى بكتبه جميل دمت جميلة كعادتك

الاستاذ الشاعر الكبير / علاء رزق

اشكرك شكرا جزيلا على مرورك الذى اسعدنى كثيرا

دمت بكل خير وسلام

الشاعرة الواعية / رشا فؤاد

حقيقى وحشانى وواحشنى تعليقك الراقى وخفيف الدم

دمت بسعادة وهناء

مودتى وتقديرى

اهلا اهلا اهلا يا شاعرة

دمت ودام ابداعك

لى عودة قريبة كى استمتع بهذا الابداع

رجاءا نفذى نصيحة الاخ علاء رزق

مودتى وتقديرى

الاستاذه الشاعره\هناء سعيد

مبدعه في الصور والموضوع

واسلوب التخاطب والحوار

.......

ياشمسايه...

ولسه يادوبها راح تشرق

علي الايام.

تسلمني نهاريبدريشاير

تملا دنيتنا

ابداع ولا اروع.... دمت بابداع

ابو سرحه....

الشاعرة الرائعة أستاذة هناء سعيد

الله على هذا الإبداع

المطعم بجمال المعانى والصور

ويعكس وعيك الفكرى ومدى بعد الرؤيه لديك

ألف شكر على هذا الإبداع أختى الفاضلة

الشاعر الرائع/ محمد مديح

حقيقة مرورك يسعدنى وكلماتك تشرح صدرى دمت بكل خير وسلام

مودتى وتقديرى

الشاعره الرائعه والمبدعه

الاستاذه هناء سعيد

قصيده رائعه كما عودتينا مبدعه فى خلق الصور

وتضفيرها بشكل مناسب لمضمون القصيده

التى تطرح اجمل المعانى واروع الكلمات

دائما ما استمتع باعمالك

وحشتينى كتير يا قمرايا

دمت بكل حب

تثبت القصيده لروعه الشاعره ولجمال المعانى

الاستاذ الشاعر الكبير / أبو سرحة

دمت ودام مرورك وان كنت اتقدم باعتذارى عن التأخير فى الرد

كم يسعدنى مروركم الكريم على متصفحى المتواضع

الاستاذ الشاعر الكبير / منصور عبد الغفار

كم اسعدنى مرورك العطر على متصفحى البسيط بس

كويس انك عرفت توصل فى الزحمة

ومعذرة اتأخرت فى الرد على شخصكم الكريم اصلى

كنت بنفذ نصيحة الاخ علاء رزق زى ما طلبت منى

ـ حضرتك

دمت لى ذخرا وعونا

لأستاذة الشاعرة هناء سعيد:
هذه القصيدة وما تحمل من بشائر أمل وتفاؤل أعتبرها شمعة تضيىء
فى هذا الواقع الحالك
تميز بالرسم فى الصور وكل حرف فى موضعه الصحيح
تمنياتى بالمزيد من الأزدهار
الزهيرى

اسلوب وصور واحساس لا يأتوا الا من هناء سعيد فأنتى متميزة فى ذلك يا شاعرتى الجميلة
لا اجد من الكلمات ما يفي حق هذه الرائعة
كتبتى فامتعتى ايتها الجميلة
تقبل تحياتى لقلمك الراقى

الشاعرة الجميلة / هناء سعيد
القصيدة جميلة جداجدا جدا جدا جدا جدا جدا جدا جدا إلى أبعد الحدود
أدام الله إبداعك
وعطّل حركة سيرك حتى تتحفينا بمثل هذه القصائد الجميلة
دمت بكل خير
وألف مليون مبروك على الماجيستير وعقبال الدكتوراة

الاستاذة الشاعرة الرومانسية / اميرة البدرى

مرورك اسعدنى وزاد النص قيمة وثراء ايتها الاميرة اميرة

دمتِ ودام مرورك وزاد الله حبورك

الاستاذ الشاعر الكبير / جابر الزهيرى

اشكر مرورك العطر والذى تنفسته من اول حرف كتبته

دمت ودام مرورك العطر كى يتعطر متصفحى

تحيتى وتقديرى

الاستاذة الجميلة / صدفة

لقد اضفت الكثير بمرورك على متصفحى اشكرك واتمنى تواصلك مع نصوصى

مودتى ووردتى

الاستاذ ابو عدنان

اشكر مرورك العبق وشكرا جزيلا على التهنئة

دمت بخير وسعادة

» على شالك (قصيدة للشاعرة الرائعة هناء سعيد )
» قصيدة اتحاد كتاب جامعة القاهرة للشاعرة هيام البكري
» نسيج أحلام (للرائعة هناء سعيد )
» ألف مبروك للشاعرة المتميزة رشافؤاد
» قصيدة مترفات الجن للشاعرة ريانة العود