رسالة ( جيل مشوه نفسيآ )

أنا شاب عندى من العمر الأن 28 سنة . من يوم ما أتولدت وأنا بموت فى

تراب هذة البلد .. ولما كبرت ودخلت المدرسة وخصوصآ فى المرحلة الابتدائية

شفت صورة كبيرة متعلقة فوق الصبورة فا قولت فى نفسى جايز تكون الصورة

دى متعلقة فى فصلنا بس ..ولكن اتضحلى ان الصورة متعلقة فى كل الفصول

وبدأت أسأل مين الراجل اللى فى الصورة...........................................؟؟

قالولى دى صورة( السيد الرئيس حسنى مبارك ).. ثم ذهبت للمرحلة

الاعدادية ولقيت نفس الصورة فى نفس المكان..ثم المرحلةالثانوية ولازمتنى

نفس الصورة .. فا قررت أن أترك التعليم لعل هذة الصورة تفارقنى وبالفعل

تركت التعليم ولكن الصورة ظلت تلازمنى ولكن بشكل أكثر من السابق

فالصورة موجودة فى كل الميادين وفى كل الشوارع وداخل كل النفوس

المريضة التى تحكمنا .. من وزراء ومسؤلين واعضاء مجلس شعب ..

فا كررت فى النهاية أن أترك البلد وأرحل ولكنى لا أستطيع لأنى بعشق

تراب هذة البلد ولأنى مصرى ومن حقى ومن حق جيلى أن نرى.........


.............................( صورة أخرى ) ؟؟؟؟؟؟...............................


الأمضاء / علاء جمال

طبعا من حقك تحلم ومن حقك ان تكون جاد فى حلمك لتحويلة الى واقع ولكن اين هو الواقع الواقع يا اخى اننا نعيش فى سلام فى ظل وجود قيادة حكيمة وليس رئيس مجنون يدخلك فى متاهات انت لا تسطيع ان تقف امامها ولا اية
انا عن نفسى احب ان ارى فى اولادى مستقبلا يروا صورة جمال مبارك امامهم مثل ما رينا صورة الزعيم

فعلا يا جمال عندك

حق فعلا جيل مشوه

نفسيا اتمنى ان يجى الدكتور اللى يعرف يعالجنا

كويس

ويارب الحلم يتحقق والصوره تتغير

الشاعر المتميز

علاء جمال

لو عايز تشوف صورة مختلفة روح أي ستوديو

و لا بلاش دي

مالها صورة الزهيري مثلاً

ما هو زي الـقمر

ربنا يستر

ههههههههههههه

صدقنى يا علاء الموضوع مش مهم للدرجة دى
الموضوع ببساطة هو إننا لازم نكون كلنا وبايد واحدة نحاول نعمل حاجة لمصر
كل واحد فى مكانه يقدر يعمل كتير
المدرس يقدر يزرع بذرة قادة وعلماء فى تلاميذه
الدكتور يقدر يساعد الناس الغلابة
المهندس يقدر يبتكر ويحاول يوفر حاجات كتير بتضيع من غير داعى
وإلخ .......
وصدقنى الصورة مش هتفرق كتير
يا سيدى أقولك : اشتغل واعتبر إن مفيش صورة أصلا
دى وجهة نظرى لك أن تتقبلها ولك ان ترفضها
دمت صديقى بكل خير وربنا يوفقك