إقبلينى

تقبلينى !

إقبلينى

ما أنتى أمى

بأنتظر نسمة هواكى

بألتمس لمحة رضاكى

كل ثانية

فوق خطوط الكف

تيجى تسمعينى

كل يوم

حدوته ليكى

سطر هالل فيه هلالك

جنب منه يكون صليبك

يرتعش كفى بقريتى

تبكى عينى

من فراقك

أعذرينى ما أنتى أمى

شايله همى

قبل همك

قمتى بدرى

تصلى فجرك

وإن ف لحظة قلت آه

تصرخى وتقولى ولدى

وتحضنينى

تندهى كل الولاد

لو تزيد فيه الآهات

تسهرى الليل جنب منى

تدعى ليه

فى المساجد

والكنايس والمعابد

تبكى عينك قبل عينى

ما أنتى أمى

نفسى أكون حافظ لعهدك

نفسى أوفى يوم بوعدك

نفسى أكون فلاح يعمر ف الصحارى

أو أكون بنا يعلى حيطان لدارى

أو أكون فنان يعبر

بالمشاعر يوم فراقك

عن مرارى

ما أنتى أمى

أو أكون كاتب وشيخ

أو أكون حارس تاريخ

أو أكون كلمة ف سطرك

أو أكون .أو أكون. نفسى أكون

بسمة ترفرف فوق شفايفك

تسعدك وتكون طريق لقلبك أنتى

تقبليها . وتقبلينى. إقبلينى

ما أنتى أمى.

أحضنى فيه وضمى. وقبلينى

ما أنتى أمى

ماشاء الله
كلمات رائعه تسلم الايادى

شاعرنا \علاء رزق

تقبل احترامى لما خطت يمينك

الأستاذ\علاءرزق

مااعرفش ليه باشوف الريف مع قولك

طمي الأرض دخان فرن نيل بيقول بأرغولك

صديقي الصدوق ابدعت فيما قولت

دمت لنا....اخوك ابا سرحه

أختنا العزيزة أميرة البدرى

كلك ذوق يا أختى متشكر جداً على كلامك الجميل

ده ومرورك على القصيدة أسعدنى جداً

أختنا بسمة الورد

والله ورود مرورك عطر المكان لأحساسك بمعنى القصيدة

متشكر جداً لتواصلك

الشاعر الودود أبو دم خفيف يسرى حنفى

دايماً كده حاسس بيه وباللى جواياه

مابعرفش أخبى حاجة فى كوتشينة أحساسيسى منك

خالص ربنا مايحرمناش منك ولا من تعليقك الرائع

أهلاً بأختنا العزيزة ست الكل أستاذة وفاء امين

والله نورتى المنتدى وإيه الكلام الجميل دا

كله أنا لو أعرف إن قصيدتى هتفجر الإبداع

الرائع ده كنت كتبتها من زمان

بجد متشكر جداً وعايزين نشوفك أكتر جوه وبره المنتدى

أخويا العزيز والشاعر المبدع علاء رزق

الله عليك لك بصمتك المتفردة التى نسعد بها

ونتمنى أن نسمع منك إبداعات مدى الحياة

لأنه إبداع من نوع خاص

يوضح شخصك النبيل من خلال حرفك

وحرفيتك الإبداعية

أخي وتوءمي الشاعر/ علاء رزق
نحن مثلك في انتظار الرد
ربما تقبل أولادها
وإن رفضت
سنقول لها
إقبليني
ما إنتي
أمي

رائع يا علاء
أخوك جابر

الأخت العزيزة رشا فؤاد

البصمة الحقيقة هى وفاءك لينا ومرورك الجميل على القصيدة الذى أسعدنى جداً

بجد أخت بمعنى الكلمة

ربنا يكرمك