مساجلة ( بيتنا )

أنا قلبى مليان بالفرحة

وزهور طارحة

يا أبو رزق نادى على أبو سرحه

وقصايده العال

***

وانده كمان عمّنا عادل

واوعى تجادل

مين فينا يقدر ليه يعادل

فى أدب وجمال

***

بحروف فصيحة وعامية

ميه الميه

وانده شباب المنشية

باحلى الأقوال

***

إنده أخويا و ولدى مديح

من غير تلميح

ولد فى قول الحق صريح

ولا زيّه مثال

***

وأخوه علاء طبعاً فارس

تلاقيه حارس

فاتح فى أشعاره مدارس

تسلم يا جمال

***

وعشان فى منشية ناصر

عمك ناصر

صلاح وأشعاره تحاصر

أتخن زجال

***

وحسام خليل اسم الله عليه

ولد إنما إيه

عامية ....... فصحى كمان تلاقيه

أستاذ موال

***

ومدحت العيسوى يا روحى

داوى جروحى

ورقّص الضحكة ف نوحى

على ضى هلال

***

و وفاء أمين على حلاوتها

يعمر بيتها

الحرف لو ساب صفحتها

بيموت ف الحال

***

فن الصعيد الجوّانى

حلو غوانى

جاب لى السوهاجى مع هانى

والواو ينقال

***

ققص كلامها احلى من اللوز

يا شريف يا عجوز

أنا شفت عطرب ضارب بوز

عند الأمثال

***

وصدفه وأميرة البدرى

جم من بدرى

والصوفى بيقول لى لا أدرى

إيش الأحوال

***

والكاتب اللى انا بيه مسرور

عمك ابو النور

خلى الحروف داير مايدور

على شال وعقال

***

والفصحى تتشرف بعماد

ثبّت أوتاد

رشا وشيماء بنت فؤاد

أخلاق وكمال

***

قطر الندى وياها بسمة

زى النسمة

فى حروف و دايماً مبتسمة

فى كل الأعمال

***

هشام ومنصور ويا هناء

وأخونا ضياء

إبداع مافيش زيّيه أشياء

مش لعب عيال

***

وكلمة من قلب زهيرى

مش من غيرى

لو غبتوا يوم عن تفكيرى

وأكيد دا محال

***

هاعيش غريب مع أيامى

واشوف قدامى

الهم ساكن أحلامى

وأشوف أهوال

***

الزهيرى

جابر يا حبيب قلبي
الجميل لا يقول إلا الجميل
ايه الحلاوة دي
كلام ولا أروع
دام هذا الحب الصادق
الذي لا يخرج إلا هذا الكلام الصادق
عشت ولا هنت ولا فض فوك

إلى الأخت العزيزة والشاعرة المتميزة أميرة البدرى :

اللى نده عمك يسرى

وصوته بيسرى

شاعر مافيش زيه فى عصرى

لو كان فرعون

منه الكلام زى السكر

يمكن أكتر

ع الصفحة ماشى بيتمختر

تقوليش قلاوون

وانا اللى قولت له ينادى

أهل النادى

اخواتى واعمامى .... ولادى

قام دق الهون

عشان ما نبقى إيد واحدة

ونكون وِ حدة

جهودنا تبقى متحدة

وربك فى العون

أخوكى جابر الزهيرى

الشاعر المتميز الأستاذ حسام خليل :

يا عمنا حسام ما تقرّب

ليه متغرب

تعالى ويانا وجرب

ندخل فى سجال

خليها شغلة بولتيكا

أو شيكا بيكا

ورينا شغل الفبريكا

دا أنت القوال

أخوك جابر

الله عليك زي السكر شهد مكرر

وما لهوش مثيل

سمعني اكتر قول كرر مااحلي المنظر

مبدع وجميل

تسلم لنا مبد ع واعي حامي ورااعي

والحب دليل
.............................................
الله يبارك فيك يااستاذ جابر دايماُ

سباف في الابداع دمت بكل خير

اخوك,ابو سرحه

دخلت بيتنا لقيت أفراح

والهم إنزاح

ياعم يسرى الشعر براح

أنت وجابر

وأميرة وياكوا بتكتب

وانا ع المكتب

سابنى القلم واهو قام يكتب

قال بيكابر

دا بيتنا بيكو انتو منور

واهو زاد أكتر

بمديح ورزق بيتفشخر

رد يا شاعر

إلى أخوتى الشعراء جابر ويسرى وأميرة وحسام

مع حفظ الألقاب يا ريت نعملها مساجلة

اول ما سمعت الندهة
جتلكو على طول
مقدرش اكون غير وياكم
وتملى اقول
ف كلام ومرصوص بالفرحة
ماهو مش معقول
اكون وياك ومعاكم
وبسمتى دى تزول

بيتنا يا بيتنا يا أجمل بيت
حبيت كل الناس في البيت
يارب تصفي قلوبنا لبعض
علشان يفضل أجمل بيت
جابر قول لاخواتي ياريت
أنا بعشقكو ورب البيت
والحب اللي انا جايبه وجيت
مش هيكفي معاه ميت بيت

الله عليكم ناس واعيه للخير ساعيه
دايماً علي طول

جابر علاء رزق . اميره حاجه جميله
ابداع موصول

وحسام وابني مديح جاني بأحلي معاني
وأدي رشا بتقول

وعلاء جمال وياه عطرب وغناه يطرب
عبر المحمول

علي راي رشا تبقي مساجله وبحاله عاجله
ونصول ونجول
.................
تحياتي الي كل المبدعين.جابر .علاء. اميره رشا ,مديح .حسام ,

إلى الشاعر المتميز حسام خليل :

جاى لى من المصيف فايق

وكمان رايق

م البحر طالع تتعايق

و قالبها غرام

***

عامل لى عاشق بتهاتى

فى حب إخواتى

فاكرنى قال على نياتى

فيه إيه يا حسام

***

حِب الوطن و الدين يا ابنى

و قّرب نبنى

سيب الغرام و اوعى تسيبنى

و اتعشى ونام

هههههههههههه

إلى الأخت العزيزة والشاعرة المتميزة أميرة البدرى :

يا أميرة ليه خايفة من الهون

و انتى ترى بون

والصعب لجلك يا اختى يهون

إديها أشعار

***

خليها بالشعر تولّع

و إحنا نشجع

و الحرف يمشى ويتدلّع

على صوت مزمار

إلى الأخ العزيز والشاعر الكبير يسرى حنفى :

يا أبو سرحة دا إنت اللى معلم

قوم و اتكلم

نورت ليلى اللى مضلم

بكلام تفانين

***

رجّع لبيرم أمجاده

بإيد أحفاده

قولك بييجى فى ميعاده

يصحى النايمين

إلى الأخت العزيزة والشاعرة المتميزة رشا فؤاد :

ليكى معانا خطاب عاجل

ياللا نساجل

انتى اللى تسوى ميت راجل

ورينا القول

***

قولتى لى ما ترد يا شاعر

يا أبو قول واعر

و انتوا اللى إحساس ومشاعر

يبقى دا معقول

الشاعرة الأستاذة بسمة الورد :

يا بسمة الورد أهلاً بك

الخير جنبك

و الشعر قمتى به و قام بك

و عليتى لفوق

***

ضوّت علينا ابتساماتك

و ابتهالاتك

ربى يبارك فى حياتك

يا أدب مع ذوق

أنا حرفى بينادى عليكو

سلام عليكو

هاخلى إيدى فى إيدكوا

يا هلال فى سماه



دا أبو سرحة عمى وتاج راسى

فى عقله الراسى

أنده له ليه يعمل ناسى

حيرنا معاه


وعلاء جمال شعره ياخدنا

من غير هدنه

فاصل وادينا يا ناس عودنا

والقول محلاه


وزهيرى زين مطارحنا

زهره طارحنا

معانا لو جينا وروحنا

ونقول الله



والورد عامل تضفيرة

ويا أميرة

بيقول ما تنسوا التكشيرة

وتسيبوا الآه

الهون

نسيته في بيت خالتي ياانا ياحيرتي

هاتوا هو نكوا قوام

وهاتوا غربال مالعالي وسبوع غالي

وفراخ وحمام

مولودنا جه من غير دايه بس حكاية

ونطق بكلام

وقال يا سرحه يا متفرعن تبقاش ارعن

ويا الاعلام

ladies first
ادي بسمة الورد الصافي عبيرها الدافي

فواح وجميل

واميرة ماسكه العاميه وميه الميه

وردودها دليل

اما رشا دي عليها حروف شعرهامعروف

ومالهش مثيل

جابر وف الشهره زهيري ملا ازهيري

سكر معقود

وحسام خليل مبدع واصل شوف الحاصل

تلقاه فري. جوود

ومديح دا مان قوي ومصحصح فكره مفتح

ولا عنه يغيب

ياعم جابر تسلملي

ع اللى حصلي منك يامديح

أنا جيت أقولك فسر لي

حبك ليه وبرأى صريح

الكلمة منكم بتعلى

عامى .. وفصيح


ـــــــــــــــــــــــــــــــــــــــ

اجمل صباح واحلى مسا

على كل اعضا ء المنتدى

وتسلم ايدك ياعم جابر

علاء

الله عليك يااستاذ جابر بجد كلامك كله احساس عالى
والله انا هاستفيد كتير من جمال فى الكتابة دة واكيد كل اللى يقرأ كلامك هيستفاد ربنا يديك الصحة وتكتب اكتر واكتر انشاء الله بجد نفسى اقابلك فى ندوة علشان اتعرف عليك اكتر
تلميذك الشاعر الغنائى هشام النبتيتى

ياعم جابرانا خايف انا مش شايف
مش عارف ليه

الصفحه صغرت ع الاخر ومنيش قادر
طب اعمل ايه

يا ريتني اعرف اصلحها و ارجعها
لقديمها يابيه

وحياة ابوك لتفهمني الا هاممني
عنوانا الاقيه