إيه مطلبى

--------------------------------------------------------------------------------

عارفاه أنا لكن بتوه

متغربة وكتير قوى متغربين

تايهين ورافضين الاعتراف

يمكن أنا رافضة وبفوق

عارفة الطريق

فى كيانى لو رافض يسلم للحبال

فى المشنقة المحبوكة

لكتير من البشر

اللى هناك

سرحت عيونها المغرمة

بزينات على بابها الحزين

عامل فرح

ملفوف بإيه

نطرح سؤال

يمكن يفوق المغرمين

ملفوف بسلسلتين حديد لكنهم

باينين دهب

وساعات جواهر م البالى واللى بالك مشتقاين

ومفيش خوانة مصدقين

ومسلمين جوه السيوف

مسرور زكى

تلم سنان كل السيوف

ناعم قوى

والسم بيه كتير ينكوى

أصل الأيدين

مزروعة دم الفاسدين

شربت كتير

والزرعة فيها رعرعت

وأتفرعت

ومين عليها يلمها

ويلم جوانا الأمل

عطشان قوى

لمصارحة النفس الحزينة يرتوى

ويشوف حقيقة م الحياه

رافضة تكون جواها لو

نقطة عفن

شبعت خلاص

عايزة الخلاص

جوه إبتسامة قلبها

طمعانه فى اليوم الجديد

تعمل طريقها المختلف

عن كل من سابق لها

وتقولى ليه

عايزين يكونوا زى ضل

مافيهوش ولا بذرة نجاه

عايشين على هامش حياه

جوه لسان مقطوع مايعرفشى الكلام

شايفاه أنا وكارهة اللى كان

وأقوله أمتى تنطقك حتى الأشارة ف السلام

أمتى هيتفك اللجام

وتغير جواك المكان

ماتقولشى كان وكان وكان

أنت اللى جى ف الطريق

أصرح قوى

جوه الجدار

فين بصمتك

جوه الوشوش

مستنياك

وقت اللقى

نص الرسالة يكتمل

أخرة ف أيديك

قوم حررة

من أسرة لو مسكون

وساكن فى

الظروف المظلمة

فكر ك يقول فى المظلمة

ويبوح بسره

اللى طواه

يشرح رموز المسئلة

مفيش هنا

غير إننا نسمع بشوق

نفهم قوى

كل الكلام

من بين حروفه المبهمه

يمكن ف يوم أو حتى شهر

من السنة

يبعد قوى كل الغموض

ويبان فى حل المسألة

الشاعرة المتميزة رشا فؤاد :

الصور والمفردات فى تطور مستمر والرسم بالكلمات فى إنسيابية رائعة يؤكد الوصول إلى درجة

الحرفية فى الكتابة

فعلاً فنانة

وأنا مطلبى

أنى أشوف كل القصايد مرسومين

بالفرشة فى معرض ديوان

أظن آن الأوان لأصدار مجموعة شعرية يا أستاذة

فالتجربة أكتملت

خالص تحياتى وتقديرى لكم وللقصيدة

أخوكى الزهيرى

استاذه\رشا تحياتي وأعجابي بالنص .

لكن في يوم أوحتي شهر من السنه

يبعد قوي كل الغموض

ويبان فى حل المسأله

جميل الكلام والصور واسلوب المخاطبه

دمتي مبدعه...

أخويا الشاعر الرائع أستاذ يسرى حنفى

والله منا عارفة أقولك إيه

شاعر بجد بحق وحقيقى

وبتحس بالحرف والكلمة ودايماً معانا واقف جانبنا

ربنا يكرمك

وشاكرة جداً لبهاء مرورك وروعة كلماتك

أخى الفاضل والمبدع الكبير جابر الزهيرى

والله منا عارفة أقولك إيه

على الكلام دا كله

بجد متشكرة جداً على زوقك ومدحك الرائع ده

بكون سعيدة جداً بمرورك على قصائدى

ولا يكتمل إلا بعد رؤيتك وتقيمك له وكلامك شرف كبير ليه

دمت لنا وللإبداع فى بهاء حرفك ورقى أخلاقك

أختى الشاعرة الكبيرة رشا فؤاد :

فى الكتابة شايف أستاذة كبيرة وفى الإلقاء أستاذة أكبر

أنا سمعت القصيدة دى عندنا فى المنشية وفى الإتحاد وكنتى رائعة جداً

زى ما إحنا عارفينك

دائماً متألقة

دمتى بهذا النبوغ

الأخ العزيز والشاعر الكبير علاء رزق :

ربنا يخليك كلك ذوق

كلامك دا كتير عليه قوى

الروعة الحقيقية هى روعة مرورك

أدام الله عطاءك أخى الفاضل

الله عليكى
بجد كلام جميل جدا
واستخدامك للرمز فاق الحدود
دمتى شاعرتنا الجميلة بكل خير
ودائما متواجدة بابداعات جديدة

الشاعر الخلوق جداً أبو عدنان

سعيدة جداً بتعليقك الراقى الذى يحمل الكثير من الوعى والتميز فى فهمك

لما تحمله القصيدة من مفردات ومضمون

لك منى كل التقدير