على السخام

على السخام
لبطل كلام
واعظم سلام
لشيخ القبيلة
قبيلة تعبنا ودخنا ودبنا
وتاهت قلوبنا
فى وسط الزحام
مئلتش خسرنا
ولا اتهد حيلنا
ولا فى يوم طاطينا
ورحنا وجينا
ولا خسرنا ايه ولا كسبنا كام
خلاصة الكلام
لا هفرش جرايد وازعق واصيح
لا هعمل مدقدق ولا الديك فصيح
ولو كان كلامى صريح مش صريح
مفيش فايدة خالص فى عالم نيام
ولو كت مشاكل لحد السحاب
ولو سففونا يا عم التراب
نبوس الايادى ننصب كلاب
ويبقى التراب بطعم الكباب مادمنا سلام
يرقع يشعشع يعدل يدور
يغور اللى ينطق لسانه بكلام
يهلفط ويعمل مثقف وفاهم
فى داهية مادمنا تمام التمام
بناكل ونشرب
ونغلط ونهرب
وطول ربع قرن احنا عشنا فى سلام
تقولى الكرامة
اقولك دة يا بنى المخطط كبير
دة من عند بوش لعبد السلام
بتاع الجرايد فى ناصية حارتنا
مبرشم وتايه وسارق بيوتنا
دة كان واد مفتح ودبلوم تجارة
وصنعة وشطارة
ولوش البطالة لكان واد تمام
كدة الفولة بانت فصهين تعيش
والا هتلبس قضية حشيش
ففتح دماغك وغمض عنيك
وقول من ورايا
على السخام
لبطل كلام
واعظم سلام
لشيخ القبيلة

الشاعر الرائع أدم

ياله من إبداع سعدت بسماعه منك فى ندوة منشية ناصر وكل مرةتقول فيها أكون

عايزاك تقول تانى من روعة ما يحتويه إبداعك من رمزية ومضمون قوى يسعد القارئ

سماعه أكثر من مرة والإبداع الذى لديه القدرة على الجذب لهذه الدرجة هو إبداع

حقيقى فعلاً

أدام الله إبداعك

عليا السخام لتروح فى داهيه يا عم أدم باشا
فكرك هتعمل ناصح والله لو سميت نفسك سعاد برده هيجبوك
وبعدين فين رومانسياتك يا شاعر ؟

سعيد جدا بكل من شارك برأيه ولكن انا لا زلت احبو وستأتعلم منكم الكثير
شكرا للشاعر ابو عدنان والشاعرة الكبيرة رشا فؤاد والشاعرة الكبيرة اميرة البدرى

انتظروا منى مساهمة جديدة بس هنخرج برة شوية
بعيد عن السياسة عشان الحيطان ليها ودان
لانى على رأى هانى بحب الحكومة

ادم تحياتي اليك

لقد استمعت لقصيدتك

الجميلة التي تحمل الكثير

من المعاني والان اقرأها

علي المنتدي نص ولا اروع

دمت بأبداع....تثبت القصده

لروعة النص وربنا يستر

استاذى الكبير يسرى حنفى شكرا جزيلا وربنا يخليك
دام ابداعك ودمت لنا

قصيده مبهره وبها اسقاطات رائعة لا تخرج الا من شاعر متمكن
احييك عليها
بس انت لو تعرف هانى يبقى انت مفقود مفقود يا ولدى هههههههه
تقبل مرورى ايها الشاعر

الشاعر المتميز أدم

إيه الجمال دا كله

دا إنت شاعر هداف

واجوانك كتيرة

الواحد يخلى باله منك

إبداع أكثر من رائع

شكرا استاذى الكبير على اهتمامك بالاطلاع على النص
مرورك وسام شرف على صدرى