البعد التالت

موضوع: البعد التالت الأحد أغسطس 01, 2010 11:26 am

أنا فى البعد التالت منك
عايش حلم معاكى جميل
حاطط نفسى ف نفس الصورة
المنقولة بالتفاصيل
بارمح جوه الغربة لوحدى
رابط على مقسومى و وعدى
بطلت ابكى ...... بطلت ابكى
أصل خلاص مبقتش دموع
صبرى ف روحى صبح موضوع
حتى الدمعة ان فضلت منى
لازم اعينها لاى رجوع
و مدام حلم و طوّل بيا
هاتى ايديكى ف قلب ايديا
نتشبك ونعيش الدور
نضحك حبة كفاية غرور
و نشوط الاحزان فى الشارع
نضحك ع الاسفلت الوالع
من كتر العَجَل المبدور
و قلوب صبحت زى بنوك
ماتضخش دم ... يلا نلم
انا و انتى قصيدة بهلوانية
ترجع بينا لرمل و ميه
و نصرخ لما الموج يعاندنا
نجرى وراه نلقاه بيعيدنا
اشدك تانى و غصبٍ عنى
اسرّح شعرك لاجل اشوفك
القاكى بتدارى ف خوفك
و اما أضمك ننسى الدنيا
و نلعن ايامنا الفقرية
اللى بتجرى و بتكبرنا
و تحدد خطوة لمشوارنا
و تخليكى حابيسة قصرك
تاخد منك جوهر عصرك
و تخلينى أغُم الناس
بالشعر الرمزى
و اقعد ارص و اقول ف قصايد
و افضل أغير فيها و اقايض
كلمة بكلمة عشان السامع
مايحورش كتير و يراجع
و اخاف اكتب حرف ف اسمك
ولا اوصف لو مرة ف رسمك
و على الحال بقيت درويش
قاعد باستنى و ماتجيش
بس انا عارف انى هاموت
و انا بكتب عنك
انا فى البعد التالت عادى
و بحبك اكتر م العادى
ما انتى حكاية عُمر ف عُمرى
حبك جاى من حب بلادى
هى انا صابر فيها و عايش
و انتى الحكمة ف عقلى الطايش
انا شايفك ومحدش عارف
و بقابلك و محدش شايف
بس امانة عليكى ان عرفوا
قولى الحق و هاتى دليل
لكن من غير التفاصيل
انا فى البعد الابعد اااااه
ساكن جوه ف قلب الاه
عايش حلم صحيح جوايا
بس معاكى و دا معناه

الشاعر المبدع جدا جدا

الاستاذ يسرى الحنفى

قصيده اكثر من رائعه معانى غايه

ف الجمال استخدامك للصور والتشبيهات

رائع جدا جدا استخدمتها بحرفيه واتقان وبراعه

دمت رائع كما انت

تثبت القصيده لروعتها

تقبل مروى وتقديرى

الشاعر الكبير أستاذ يسرى حنفى

ما هذا البعد الرائع فى الإبداع

والموسيقى الساحرة

التى أخذتنى معها حروف قصيدتك

دائماً رائع نتعلم منك الكثير

الأستاذة الشاعرة اميرة البدري

سعيد جداُ بمرورك الكريم الذي

اثلج صدري ورفع هامتي وليس

بغريب علي مبدعة مثللك كل هذا

الوعي و الرد الجميل .اشكرك

لمرورك ولتثبيتك العمل دمتي بخير

وكل عام وانتٍ طيبه.... شكرا

الأستاذه الشاعرة الرقيقة رشا

اشكر مرورك الجميل وردك الذي

اسعدني ايما سعادة امابالنسبة

للموسيقي احساسك العالي السبب

ولأنك مرهفة الحس يُصيبك هذا الشيء

أنتهز الفررصة وابارك لكٍ علي صدور ديوانك

الأول ويارب عقبال وافرمن الأعداد

دام مرورك الكريم ... عمك ابو سرحه شكرا

الشاعر المتمكن: يسرى حنفى
قصيدة رائعة واسلوب مبهر
احييك عليك
فبعدك الثالث اخدنا الى ماهو ابعد منه
تقبل مرورى المتواضع

الشاعر االراقى فى الكلمات والاسلوب
يسرى حنفى سرحه
قرات ابداعك مرتين وسرحت معك فى البعد الثالث
وعجبنى هذا الصوير البارع
كما صورت مثلا
و مدام حلم و طوّل بيا
هاتى ايديكى ف قلب ايديا
نتشبك ونعيش الدور
نضحك حبة كفاية غرور
و نشوط الاحزان فى الشارع
نضحك ع الاسفلت الوالع
من كتر العَجَل المبدور
تقبل مرورى وتحياتى

أستاذى الرائع المبدع / يسرى حنفى السرحة
قصيدة فى غاية الجمال والروعة
وفى أجمل مايكون القصيد
دمت بكل خير

الاستاذهالمبدعه صدفه
اشكر مرورك الجيد الذي
اسعدني وردك الأجمل
الذي اضاء متصفحي
اما الأبداع فاهوا مرورك
اشكرك دمتي بخير
برافو

اخي العزيزالستاذ محمد سرور

اشكر مرورك الكريم الذي اسعدني

واضاء متصفحي وهذا ليس جديد

علي مبدع واعي مثلك تحياتي شكرا

وليد ابوعدنان تحياتي

اليك عزيزي وشكري

امتناني علي ردك الجميل

الذي اسعدني دمت مبدع شكرا

» *** لماذا البعد ***