ياللى نويت الجواز

ياللى نويت الجواز

ياللى نويت الجواز اسمعها منى نصيحة
الست فى البيت جاز وأنت الخروف والدبيحة
وان كان كلامى تقيل
جرب وشد الفتيل
هتعيش حياتك عليل وأخرها علقة وطريحة

ولو حكيت على بيه واللى اسيتة معاها
تعرف بانى الضحية وف عقلى تركتلى عاهة

كانت ملاك فى الخطوبة وانا كنت حاكم بأمري
بعدين رمتنى بطوبة قصفت حياتى وعمرى

وادينى لسه بطاطى عشان مجبش الخراب
واللى يطاطى دا واطى أخرت جنابة العذاب

لا لقمة فى البيت لقيها ولا كلمة حلوة يا اخويا
لسنها فالت واديها تسب امى وأبويا

عايزانى ايدى بأدها والجمعة انفض معاها
لا أما تضرب بأدها باى حاجة معاها

طبق وفازة وشوكة تيجى فى وشى بغبائها
والمرأه لوتبقى عوجة مين اللى يكسر دماغها

وقولت أريح دماغى وجبت فى البيت شغالة
طلعوا عينى وداغى وعشت أسوء كدة حالة

والادهى تمشى تسبنى معاها طول النهار
ولاقى الشيطان لعبنى وابدأ معاها الهزار

من غير ما فسر كلامى أكيد فهمتوا اللى صار
مكانها فاضى امامى يعدى فيل أو حمار

نصيحة لكل عازب ناوى يكمل حياته
هيبقى فى شبابه شايب وتقصف فى عمرة مراته

الزجال
محمد سرور

اااااااااااااااااااااااااااااااااااااا
بحب فن الزجل والله يا عمى
زى حبى لولادى وابويا ولامى
واعشق حروف كلمته ماشى انا فى سكته
الزجالين والزجل بيجروا فى دمى
https://www.facebook.com/notes.php?id=100000929416448&notes_tab=app_2347471856#!/group.php?gid=115187031837956&ref=search[/center]

الشاعر والزجال الرائع

الاستاذ محمد سرور

صاحب القصائد الجميله

والمواضيع التى تنقلها بخفه ظل

ووعى كبير ولكن زى ما قولتلك قبل كده

مش كله زى بعضه

شكلك بس حظك فى النوعيه اللى كتبت عليه

بتتكعبل فيها فى طريقك

مزيد من التقدم والابداع

تثبت القصيده

الشاعره العزيزه اميره البدرى
شكرا لمرورك
كلامك صح عرفتى منبن؟
هههههههههه
تحباتى

تثبت القصيده لجمالها

شكرا الشاعره الرومنسيه
اميره البدى
على تثبيت القصيده

الزجال الجميل / محمد سرور
حزن عميق أصاب قلبى عندما قرأت كلماتك تلك
فما أسوء حظى حتى رأيتنى قد أقبلت على الزواج دون روية
فلو كان حظى سعيدا لوقعت امامى زجليتك هذه قبل أن أقوم بهذه الجريمة فى حق نفسى
ههههههههههههههههههههههههههه
ولكن ما دمت قد تزوجت واصبحت العقدة فى المنشار ـ كما يقولون ـ فأسمح لى بأن أطرح عليك ردى على زجليتك بقصيدة صغيرة اسمها ( نفسى أتجوز )
علها تنول إعجابك وترضى كل من رمت بهم الأقدار فى جهنم ـ أقصد الزواج ـ
دمت صديقى جميلا
ولنــــــــــــــــــــــــــــــا الله نحن معشر المتزوجين

الشاعر الجميل والاخ العزيز
وليد الشاعر ابو عدنان
ضحكتنى اضحك الله سنك
وعلى فكره الحال من بعضه
هروح اقرا الزجل ياعم وشكرا لمرورك

الشاعر الرائع / محمد سرور

بيرم يعود في إبداع أولاده

الموضوع يودي في سين و جيم

بس المعالجة رائعة

خايف تكون من معاناة

هههههههههههههههه

كلنا في الهوا يا أبو حميد

ربنا يلطف بينا

الزهيري كل عام

الشاعرلا الكبير والاخ العزيز جابر الزهيرى

كلامك صح يا صحبى كلنا فى الهو سوا
شكر لمروك استاذى الفضل
تحياتى

الزجال الرائع محمد سرور
انا عن نفسى كنت ناوى الجواز بس بعد ما قراءة هذة الرائعة هتخلينى انوى الجواز اكتر
ههههههههههههههههههههه
بجد رائع يامحمد
وانا قرتها والله كتير وعجبتنى جدا
دمت بكل حب
تيمو

» (نفسى أتجوز) ردا على (ياللى نويت الجواز)
» اللى نويت الجواز