انا بشمهندس

انا بشمهندس
انا بشمهندس بعشقك
منهج حياتى مبدأكـــ
وبصدقك
لو حتى قولتى ان المثلث
زاويتين
متقسمين بينى وبينك
مرسومين
على خط واحد يربطوا
قلبين بيحبوا بعـــض
رح اقول بجد واشجعك
وامسح دماغى واسمعك
ما انا اصلى فعلاًََََََ
حبى ليكى زاوية قايمة
وان ارتباطنا اكيد هيبقى
عشـــــــــــــــــرة دايمة
مش قصة عايمة تصدعك
ورح اقنعك
انك فى دايرة قلبى
ساكنة من زمان
وانك مركب حب مخلوق
م الحــــــــــنان
وانا مهما كان
من غير عيونك
خط زايد جوة رسما
ملوش مكان
او بغبغان من غير لسان
وعشان كدة....
انا مستحيل انى اخدعك
او اكون جبان
او اعيش فى توب انسان
بوش شطان
او اضيعك
ما انا ناوى احبك طول
حياتى مئولش جاااااى
ورصيد علاقتى بحد
غيرك يبقى فاى
وتكون حياتى ف بعدى عنك
نار وداء
واعيش ولاء
واموت ولاء
وعشان ولاء
ميضعش عمرى
فى يوم هباء
وهَرَجّعك
نحلم ونرسم
كل خيوط الحلم بينا
وملك وجنة
وأدين تصقف يوم فرحنا
ويملو ليلنا
والكون بيرسم بسمته
دة اكيد عشانّة
مبروك عليك يا بشمهندس
احلى جنة..................

اهداء الى صديقى مهندس الكمياء النووية ياسر

بجد اللهم لا حسد


شاعر يمتلك أدواته

و بيخلي القلم يتكلم بطلاقةو بدون ما يبان

انه مجبر

صحيح مهندس بس خريج تجارة


يسلم ابداعك

الزهيري

تسلم يا استاذى العزيز
على مرورك وتقديرك
دمت مبدعا ومعلما

شكرا استاذى العزيز عشان خاطرى لو ليك علاقة بطاهر الصوفانى
يا ريت تكلمه وتقوله عيب لانه نازل فيا شتيمة على منتدى عاطف الجندى
مينفعش انا مش عايز ارد لاننا بنكتب عشان نتقدم مش عشان نهزا بعض
انا اعتذرت فمكنش ليه لازمة كل الشتايم دى انا انسان محترم وابن ناس ومش جاهل
يا ريت تكلمه يا استاذى العزيز
مع خالص شكرى

الشاعر الجميل المتألق أدم ايه الروعةيا ابن الأيه
تقبل مرورى

ربنا يخليك يا استاذ حمدى
شكرا على مرورك

الشاعر الرائع ادم
فكرة جميلة متكتبش الا من شاعر رائع ومتميز
كلمات رائعة اخى
دمت بكل خير

مبدع يا ادم
ادما الله عليك ابداعك
تقبل مرورى

الشاعر الكبير تيمو شكرا لتقديرك ومرورك الكريم دمت بكل خير اخى العزيز

الشاعر الكبير تيمو شكرا لتقديرك ومرورك الكريم دمت بكل خير اخى العزيز