دايب دوب)اهداء الى ابى الغالى استاذ عطية شواش

بلدى
مهما حاولت انّي اكتب ليكي
مهما القلب يطوف حواليكي
بلقى الشعر رخيص ف عنيكي
وافضل ادوب ف عنيكي يا مصر

مصر دي بلدي وأحلى أصاله
جايه لكلّ الدنيا رساله
مصر أرقّ وأجمل حاله
نسمه رقيقه ف وقت العصر

كلّ الدنيا آهي واقفه قصادك
مين في الدنيا دي زيّ ولادك
مين في حضارتك أو أمجادك
مين غير إبنك يبني النصر

مصر يا غنوه الكون غنّاها
كلّ الدنيا تقول محلاها
مصر مباركه ف كلّ خطاها
مصر عظيمه .. عظيمه يا مصر

مهما يلوموا كتير أحوالك
يحكوا يألِّفوا في اللي جرالك
تفضلي ساكنه ف قلب عيالك
م انتي دوانا ف وقت الكسر

كل الدنيا بلهفه تزورك
جايّه بشوق تتملّى بنورك
راسمه برغم الحزن سرورك
آسره القلب ف أجمل أسر
...
وانا من قلبي بقول لعنيكي
دايب دوب ف عنيكي يا مصر

جميلة كلماتك الرقيقة دي في حب مصر يا أخ تيمو

سلوى سيد عبدالعزيز كتب:

جميلة كلماتك الرقيقة دي في حب مصر يا أخ تيمو

الشاعرة الجميلة سلوى عبد العزيز
مرورك الاول هو شرف كبير لي اوتمنى انك لا تحرمنى من هذا النور
دمتى رائعة
تيمو

يسري حنفي سرحه كتب:

الاستاذ الشاعرالمتميز\تيمو

احييك صديقي العزيزعلي وفائك

الجميل للشاعر الرائع استاذ عطية شواش

وطبعاً في حب مصر..دمت ودام ابدعك
..............................
يثبت العمل لروعة الحب لمصر والشاعر القدير

الشاعر الجميل اخى الكبير
وحشتنى والله يا استاذ يسرى
اسف لتاخير ردى عليك ديما منورنى بكلامك الجميل
اتمنى انك لا تحرمنى منو
دمت شاعرا مبدعا
اخوك
تيمو

أميرة البدرى كتب:

الشاعر الرائع تيمو

رائع ما خطه قلمك ف المحبوبه مصر

وهو لون جديد ولكنى ارى انك اكثر براعه ف اللون

الرومانسى الغنائى وهذا لا يقلل من قيمه عملك

دمت بكل خير

الشاعرة الجميلة اميرة البدرى
كلامك على عينى وراسى
بس دى اول تجربة منى
وانشاء الله لو جت فكرة تانية فى حب مصر
هعملها احسن من ذلك
دمتى جميلة ومبدعة
تيمو