رباعية عن رغيف العيش

خدت القفص وقلت لامى هروح اجيب عيش, قالتلى لآ قلتلها ماتقلقيش.

ناديت على يونس ياض يايونس رد عم عباده جارنا قلى يابنى يونس (تعيش).

قلتله ازاى حصــل قلــى كــان فـى ايده قـفـص وقـــال لامه ماتـخـفـيش.

هــى سـاعــه هـجـيـب رغـيـف وان مــارجـعـتـش مـاتـزعلـيـش......

شوف يا استاذ مودي الفكرة جميلة

خواطر تحتاج منك الي تكثيف

تبقى زي الفل لكن انت جواك

شاعر لازم هايظهر أرجوك

عايز اشوفك ضروري لوتقدر

تحياتي وتقديري لورد مودي

بصراحة يا مودى انت محتاج تقرا كتير وتقرا مواضيع الاعضاء وتستفاد منها كتير لان الشعر مش كلام مرصوص وخلاص انا عارف ان انت جواك شاعر وشاعر جميل بس لازم تنمى بالقارية اكتر من الكتابة وهتشوف الفرق
على فكرة انا الكلام ده الى بقولهولك اتقالى من شاعرة كبيرة وجميلة واتقالى اكتر من كده كل ده لحرصنا عليك وعايزينك تبقى اجملل شاعر
دمت بحب
اخوك
تيمو

فى البداية انا بشكر الاستاذ يسرى حنى سرحه على اهتمامه بكل ما اكتب ومتابعته لكل مواضيعى وشرف كبير مقابلتك يا

استاذى بس فعلا الظروف تغلبنى هذه المرة لانى كنت اود ان القاك فى احدى الندوات ولكن نظرا لانى خارج البلاد ومقيم

فى دوله الامارات العربية لظروف عملى ولكن لم انقطع عن المنتدى وبذلك اكون انا الخاسر اكيد يا استاذى خسرت شرف

مقابلتك واكيد كنت هستفيد من بحورك كتير واكيد كنت هاتعلم العوم لانى بصراحة مش بعرف اعوم بس يكفينى تدعيمك

ليا واوعدك انى احاول اطور من نفسى لانى مانكرش انا بكتب اللى بيجى فى خاطرى من غير اى عوامل مساعده خالص

واكيد حضرتك فاهمنى بس اكيد هحاول اثقل ما لدى من كلمات بلقرأة كى اصل لما ارجو وترجون منى شاكر دعمك

استاذى الفاضل

اشكرك تيمو على مرورك ونصيحتك ليا بس بجد اللى كتبتة المره دى ممكن يكون مش مظبوط بس وانا متقبل كل حرف

انتا قلتة بس انا مكنش قصدى انى اكتب كلام مرصوص انا كنت عايز اقول حاجة حاسيتها وواضح انى اخطأت الاختيار

فى طرحها بالاسلوب المناسب ولكن وزى مانتا قلت كلنا لاازم نتعلم من بعض ومن خلالك اشكرلى من نصحتك بهذه

النصيحة واللى من خلالها انت نصحتنى واتمنى انه يجى عليا الدور واقدر انصح حد انا بكتب وبس اللى بحسه ومتشكر

ليك جدا وبمروك اللى شرف موضوعى بوجوك

» رباعية
» فى طابور العيش
» رباعية ( الثورة)