تجربة فى مربعات الواو

اول كلامى باسمى
واصلى ع للى بعث فى
تعبان وبالدغ بسمى
وامحى الأعادى بعصفى
............................
يارب احفظ بلادى
وازرع أمانها ف دروبها
أما الخيانه بلا دى
واقضى ع اللى داروا بها
..........................
مصرى فى قلبى وراسى
عاشق ترابها وعاقولها
حامى الدم بس راسى
وولادها ماعظم عقولها
................................
دول تلات مربعات تجربه مستنى من اساتذتى أ .جابر الزهيرى و.أ.يسرى سرحا .والاساتذه المحترمين بالمنتدى يردوا علي. أكمل كتابه فى الواو والا أروح ألعب بعيد هههههههه والا ايه
مستنى ردودكم .مع تحياتى
أخوكم الاصغر حسن الجمال

اكتب و متع وداني

و ابدع في واوك و كمل

و قول لقاصي و داني

و امدح نبينا المكمل

***

عاتقل ليه من حروفك

و الحرف للسطر زانه

إياك تهاود لخوفك

اكسر قانونه و ميزانه

رائع يا أستاذ حسن

استمر يا بطل

الزهيري

باشرب وواتك ف كاسى
ومالى روضى بزهورك
والصبر للقلب كاسى
مستنى لحظة ظهورك
...........................
ربنا مايحرمنى من ظهورك ومرورك فى متصفحى
شكرا لتشجيعك الدائم لى أستاذى جابر
ولى طلب
بلاش أستاذ حسن دى خليها حسن بس اوأخويا كده يعنى

الشاعر الجميل و الأخ الفاضل

حسن الجمال

أشكر لأصلك نضافته

إنك رضيت أبقى خوك

اسمك عيلتنا أهي ضافته

و فرحنا يا ولد بوك

ـــــــــــــــــ
شرف لي أن أكون أخ لأنسان محترم و شاعر متميز مثلك يا أستاذ حسن

و لما تبطل تقولي يا أستاذ أنا هابطل

ههههههههههههههههه

ربنا يديم المعروف يا أبو على

أخي الذي أعتز به

الشاعر المتميز حسن الجمال

السن مش كل حاجة يا أستاذ حسن أنا أصغر من شعراء كتير

و لكن أصلك الطيب و أسلوبك المحترم يجعلك كبير جداً في نظر الجميع

كم من كبير في الأيام

لكنه ما دارى سنه

من الصغير بيتلام

و الناس بقولها تسنه

ــــــــــــــــــــــــ

خالص تحياتي لأخي

جابر الزهيري

انا قلت ادخل واقرب
علشان اشوف الحبايب
وقالولى أسأل مجرب
ف مربعات العجايب

اخى الشاعر الجميل حسن الجمال دام ابداعك واستاذنا الكبير جابر الزهيرى واحشنى يا راجل طيب

جابر الزهيرى كتب:

أخي الذي أعتز به

الشاعر المتميز حسن الجمال

السن مش كل حاجة يا أستاذ حسن أنا أصغر من شعراء كتير

و لكن أصلك الطيب و أسلوبك المحترم يجعلك كبير جداً في نظر الجميع

كم من كبير في الأيام

لكنه ما دارى سنه

من الصغير بيتلام

و الناس بقولها تسنه

ــــــــــــــــــــــــ

خالص تحياتي لأخي

جابر الزهيري

ربك يديم المحبه
يابو الادب والتواضع
تزرعها ف القلب حبه
تطرح فى كل المواضع
...............................
تسلم يابو أدهم
والله العظيم بكلامك ده . لأ من قبل الكلام ده كمان وانت مقامك عالى عندى
خالص تحياتى لأخى الكبير وأستاذى جابر الزهيرى
احترامى وتقديرى

حمدى شيبة كتب:

انا قلت ادخل واقرب
علشان اشوف الحبايب
وقالولى أسأل مجرب
ف مربعات العجايب

اخى الشاعر الجميل حسن الجمال دام ابداعك واستاذنا الكبير جابر الزهيرى واحشنى يا راجل طيب

استاذى حمدى ياشيبة
نورتنا ياواحشنا
لوتنكسى روسنا شيبة
عن الوداد مين يحوشنا
أخى الشاعر الجميل حمدى شيبه
فينك ياعم
والله العظيم واحشتنا
نورت المنتدى كله ياأستاذ حمدى ربنا مايحرمنا من تواجدك وتواصلك

حسن الجمال كتب:

اول كلامى باسمى
واصلى ع للى بعث فى
تعبان وبالدغ بسمى
وامحى الأعادى بعصفى
............................
يارب احفظ بلادى
وازرع أمانها ف دروبها
أما الخيانه بلا دى
واقضى ع اللى داروا بها
..........................
مصرى فى قلبى وراسى
عاشق ترابها وعاقولها
حامى الدم بس راسى
وولادها ماعظم عقولها
................................
دول تلات مربعات تجربه مستنى من اساتذتى أ .جابر الزهيرى و.أ.يسرى سرحا .والاساتذه المحترمين بالمنتدى يردوا علي. أكمل كتابه فى الواو والا أروح ألعب بعيد هههههههه والا ايه
مستنى ردودكم .مع تحياتى
أخوكم الاصغر حسن الجمال

..........
ملـيح ومـاسـك زمـامـات

والحرف ساكـنك وعنـدك

بكرة نشوف لك زاعماات

واصحاب مبـادع تـعانـدك
.........
والله تسلم الايادي يا ابو علي هذا المربع تحية اليك يارب يعجبك

يا أستاذ يسرى دانا يادوب مجرد هاوى
وبعدين انا قاعد بقالى اكتر من نص ساعة عشان اكتب مربع ارد بيه عليك مش عارف اكتب ولا كلمة
مع انى ساعات باكتب لعادل صابر فى ردودى على منتدى الشاعر عاطف الجندى تلت اربع مربعات فى خمس دقايق
بس على النعمة مانا سايبك انا مروح دلوقت عشان انا فى سيبر وهاكتبلك مربعين فى القريب العاجل ان شاء الله
تحياتى ليك ياعمنا يسرى
وربنا يديم بيننا المودة دايما