حياه ف الموت

--------------------------------------------------------------------------------

يا نار شبت على قلبى

بتحرق ف الجدار روحى

عشان تعرف

تلاقى جواب

مع ظلمك

مع خوفك

فى بكرا

تشوفنى بتغيير

وأهد كيان بتتمناه

وانا باتهد فى اللحظة

وتعصرنى مع الأيام

و أقول أمتى

ألاقى جواب

ولو حتى بنظرة عين

تكون هفوه ومن جواك

عشان عارفاك بتتلون

ومش طايلة الحقيقة فين!

ف ابص جوه فى الننى

على عنيهم

وأقول ردوا

دموع عينى

بتترجى

ف مين فيكم أنا منه

وأعيش اللحظة

ولو حتى
أموت بعديها تكفينى

تزيد أملى فى كفينى

تعوضنى عن اللى راح

وأنا لسانى بتخيل

وأعمل أيه

مشيت جوه الطريق ياما

سألت كتير

وخبث ومكر

أنا شفته

يخبطنى وينهشنى

مع الحيرة

ودمى يسيل

ولحمى يقطعوا منه

وأنا صابرة

وجوه الوهم واخدنى

طعام جوفهم

ولو حكمت

فى دمى يمصوا

ميت مصه

عشان عارفنى محتارة

ومفتاح حيرتى فى إيديهم

وانا بنده فى جوه الكون على ربى

وأدعى فى السجود ياما

أنا الموجوعة فى حشاى

وضنايا فى الضنى غايب

وأدام عينى مش غايب

مع التانى ومتخبى

و ساعات ياما

أخش الأوضة أبصلهم

وأصرخ صرخة جواياه

تقول ابنى

وأحط الأيد على جبينهم

وأمسح فى الدموع منى

على خدودهم

وأقول يمكن

ف دمعة عين على الحاصل

بتتصعب

عليها اصعب تجاوبنى

ألاقيها تخاف تبعد

فأمسك شوك

وتتحضن عليه إيدى

يسيل دمى

قصاد ظلم اللى كاوينى

عشان يرحم

مايرحمشى

وأسمع ليه

جنون صابك

يا مسكينة

وماسكة الشوك

وبكره الجى سكينة

ومين قاتل

ومين مقتول

وأقوله ياه

قساوتك ف الضلوع تعصر خطاويه

وإيه زمبى عشان تقتلنى

ميت مرة وانا وياك

نستنى ف المحن ضهرك

ولما وقعت سندتك

وعكازك انا كنته

بتهجر ليه سنين فاتت

وبتهمد وبتجمد

مشاعر قلبى محتاجها

يمر الوقت واستنى

عشان لحظه

وياما وياما بستنى

وجت لحظه قصاد عينى

مفيش أصعب

بكت عينى

وشفت الدم فى دموعى

وبتقطع وبتمزع

مع اللحظات بتشرطنى

يسيل دمى على الحيطه

ويطلب م الحياه موتى

يا ريتنى ماعشت

قصاد عينى ضنايا مين ؟

وحسه اللى قصاد عينى

مهوش هو

وقلى أقول

لقيت الموت

محاوط حته جواياه

الأخت والشاعرة الأستاذة رشا فؤاد :

لون جديد من إبداعاتك فى صياغة القصيدة يتميز بتركيب الصور الجزئية للعمل لتكوين لوحة فنية

تعبر عن الصورة الكلية

أسلوب رغم بساطته إلا وبه عمق كبير فى الإحساس والمعنى

الديالوج (الحوار) بين الذات أو المخاطب فى أسلوب السرد يميل إلى القص

كل هذا يؤكد تميز الموهبة

انتظر مساهمات فى فن الموال والتى أستمتعنا بها من قبل

أخوكى جابر الزهيرى

الله يارشاعليكي
موسيقي وانسيابيه
وجُمل رنانه وتسليم تسلم
للمعني والصوره واسئله
للضميروللمخاطب...حين قلتي
فامين منكم أنامنه اعيش اللحظه
لو حتي اموت بعديهاتكفيني
دامتي بخير تقبلي مروري
ابا سرحه

الله عليك يا أستاذ يسرى

وعلى جمال تعليقك والله زدت القصيدة روعة

بهذه الرؤية الجميلة التى كنا فى إحتياج إليها

أدام الله إبداعك فى التوجيه لكى نتعلم منك جميعاً

الأخ الفاضل والشاعر المبدع جابر الزهيرى

رؤية نقدية وإن كانت قصيرة أعتبرها تحليل للنص من متخصص ودارس وممارس للنقد

وأتمنى أن لا تكون مجاملة

وإن شاء الله سأبدأ فى نشر مساهمة جديدة فى فن الموال وأتمنى تواصلكم معى فى هذا اللون

من الإبداع


شكراً لمرورك ودام تواصلك

المبدعة الرائعة والأم الحنونة أستاذة وفاء أمين

وجودك على صفحتى فى حد ذاته شرف كبير جداً ليه

وهذا المرور الرائع هو وسام على صدرى مدى الحياة

فأنتى دائماً رائعة خلقاًً وإبداعاً كما عهدناكى يا أمى

دمتى لنا نتعلم منك مدى الحياة

الأخت الرائعة بسمة الورد

دائماً تسعدينى بمرورك الجميل والرائع وتواصلك الدائم معى

بجد متشكرة جداً على هذا الكلام الجميل

الأخت العزيزة والشاعرة المتميزة رشا فؤاد

الله عليك بجد قصيدة حلوة قوى أستمتعت بها جداً بالأخص لما قلتيها فى نادى أدب منشية ناصر

لأنك قلتيها بأحساس عالى قوى

الله يديم عليك الإبداع

الأخ العزيز والشاعر الكبير علاء رزق

دائماً إبداعاتى تظهر بينكم أخوة أعزاء أتشرف برأيكم فى أعمالى ودائماً كان

لكم النصح والإرشاد وبالطبع يحسب لكم هذا دائماً نادى أدب منشية ناصر

له السبق بل يكاد الوحيد الذى يقوم برعاية المواهب الشابة

رعاية كاملة من الألف إلى الياء ولذلك فهذا المنتدى الرائع تتوييج لهذا النجاح

الذى تستحقوه

شكراً لك أخى الفاضل