قال الشاعر فى الصلاه ع النبى

أول مربع هاقوله
أمدح به سيد الخلايق
أمين وصادق فى قوله
اسمه يعطر خلايق
***
وأقعد مأدب مربع
على راسى تاج القناعة
وأقول فى تانى مربع
يا رب أنول الشفاعة
***
صلى معايا وبالنور
على زين واسمه منور
ضوى علينا وبان نور
خلى حروفى تنور
***
المولى باعته هدايه
ورحمة للى مآمن
وكتابه مليان هدايا
محرومها اللى ما آمن
***
وارجع وامدح رسولنا
أحمد محمد وطه
والقى سفاين رسوا لنا
ونروح لبقعة وطاها
***
نفسى أشاهد رياضه
والقبة خضرا تلالى
وأشرب كاسات من حياضة
سيدى اللى عشقه حلا لى
***

سيرة صلاة الزين

الكل عاشقها

ويا الصلاة ع الزين

تكتر معاشقها

حبيبنا فى القلب صابغ

بسيرة احلى كلام

نقول فى كل حين

عليه الصلاة والسلام

الأستاذ\جابرالزهيري
نورت بالصلى علي النبي
مربعات ولا اروع
ربنا يبارك لك
دمت بأبداع...
اخوك.ابا سرحه

الــمـــدح مــنك شجانــا
ياللي انت واوك صايبنا
نـسيـتـنـا آهــة شــقــانـا
والفرح مرضيش يسيبنا
*******
مــدحــت خــيـر البشر
طه اللي حبه يزيدنا
ده جانا بكل البُشر
وهو رسولنا وسيدنا

بالقلب أنا صليت
لقيت ضياه جانى
بخيالى روحت وجيت
لقيت اسمه عنوانى

مـهـمــا نــقــول يــامـــا
صعب الحروف توصف
ف الـقــلب ســايـب علامه
مــن هــديـــه انـــا بـغـرف

زين الكلام يا مديح
على النبى نصلى
ذكر وصلاة ومديح
وشفاعته توصلى

أبدأ وأقول غنيت
فى القول لسيد الخلق
وعلى كعوبى سعيت
من غربها للشرق
***
عاشق لنور النبى
يضوى فى جوايا
ومدحه كان مطلبى
ومقصد الغاية
***
فى سكته نسعى
ونكون معاه مساكين
دى الرحمة متسعة
للى فى هداه ماسكين
***
الزهيرى

عشق الحبيب فينا
بيشفي كل العلل
طه ده نبينا
طارح جذور الأمل

عشق الحبيب نبراس
يضوى ونفرح به
ويعلى لينا الراس
يا بخت مين راح به
***

عشق الحبيب موصوف
لأبو قلب فيه تجريح
يلبس هدوم من صوف
والعشق ليه تاج ريح
***

عشق الحبيب درجات
والعالى فيه واصل
يا ما ناس مشت و ما جات
فى طريقها ليه تواصل
***

عشق الحبيب مسافات
والكل ماشيها
ما يقولوا يوم مسا فات
ولا ليلنا غاشيها
***

عشق الحبيب فى القلب
شافى لكل جروح
والعين دموع تجلب
لما عبيره يفوح
***

رق الحبيب وأنا جيت
أسهر معاه ليلى
ناديت عليه وناجيت
نورلى قنديلى
***

عشق الحبيب مطلبى
ودموعى اهى هاله
بتقول بحب النبى
وتتمنى تنول طله

أول كلامى حصــــلى
واذكر نبينا واقــــــول
سمى معايا وصـــــلى
ع اللى ما بعده رسول

أستاذى الشاعر الكبيــــــــــــــــــــــــــــــــــــــــــــــــــــــــــــــــــــــــــــر / جابر الزهيرى
سلمت يداك على هذا الإبداع

الشعر توبى وعبايتى
وتملى ع الكلمة صابر
ما أنا أصل كانت ربايتى
على يد أستاذى جابر

إلى حبيب القلب الشاعر وليد جودة ( أبو عدنان )

الشعر بيكم دا عالي

واقف و ثابت وجوده

و انت أصول المعالي

تسلم حروفك يا جودة

كده ش

ايه الجمال دا ياجابر
الى ف أجمل خلايق
يا سعده بيه الى جا برّ
مسكون بأبو الحسن لايق

يارب أنول الشفاعة
وأبلغ بحبه مرادي

وازداد بحبه رفاعه
لاجلن ابات بيها راضي

اول مربع هقوله
ان كلامك دا وارع
يا زهيرى الليل بطوله
مش حاسس انى شاعر

قدام حروفك ووصفك
بحس قيمه الزهيرى
ولانى جارك وعارفك
بشد عزمى وحيلى

وقول كفايه ملامه
دا انا قلبى منك صفا
وكفايه شعرك علامه
فى مدح المصطفى

عوده مره اخرى
الى الرئع جابر الزهيره
وفن الواو

» قال الشاعر فى عيد الأم
» قال الشاعر فى حب مصر
» وقال الشاعر في الصبر
» ست الحُسن
» صلاح الشاعر