ضحكه تفــــوت !!!

[i][color=indigo]

ضحكه تفــــوت !!!


وجوايا مرار ف مرار
ولا عارفه يكونلى قرار
بعوم ف النار
ويسحبنى هناك تيار
ورعد وبرق جوايا
وناس الغش ده سلاحها
وانا بعنيه لامحها
ديابه عايشه وسطينا
بتنهش كل ما فينا
بدمى ولحمى تتغذى
تسن سنانها من تانى
فانوح واشكى لالحانى
فيبكى اللحن ويّايه
ويبكى الشعر علشانى
واه يانى
بقلبى كنت شيفاهم
وعارفاهم
لكنى ضحكت على نفسى
وضحكوا عليه وبقوّه
فصوت الضحكه صحّانى
على دمعه
صداها رجّ وجدانى
ففوقنى
ف بحر التوهه غرّقنى
يا حلم بنيته من دمى

ويسرقنى
وينفينى
وبدّل دمّى ميه نار
تهلل فى شراينى
انا اسفه
انا اسفه لنفسى وبس
مش ليكوا
عشان صدقت اوهامى
انا اللى سمحت لحروفى
يضيعوا كتير
تغنيكوا
يالحن لعين
فى دنيا ودين
كفايه جراح
وويل ونواح
خلاص هرتاح
كفايه يا عين
تطوعينى
وهتقوّى من الوقعه
واقوم تانى
وهستقوى واكون اقوى
وهرقى نفسى من عينكو
متين رقوه
فخلو ف قلبكم رحمه
وخلوف قلبكوا تقوه
ياريت تنسونى وانساكم
يا ذكره لعينه فارقينى
انا ماشيه

ومش سامعه لانين صوتك
وهتقوّى من الواقعه
واقوم تانى
ومش راجعه

[/color

اللة عليكي يا استاذة جميل اوي كلامك

جميلة جدا يا اميرة الله عليكى

الشاعرة الرائعة

أميرة البدري


يا سلااااااااااااااام

إيه الجمال و الإبداع دا

بصراحة أقدر أقول

أميرة بدأت تتفوق على نفسها يا رجالة

ههههههههه


تسلم إيدك و يسلم إبداعك

أيتها الرائعة

الزهيري

القديره / اميره البدرى
هذه القصيده يؤخذ عليها الاتى :-
1 /انا اللى سمحت لحروفى
يضيعوا كتير .. صوره غير واضحه تحتاج اعاده نظر
2 / الغنائيه القويه فى القصيده التى مفترض ان تكون عامل جذب زادت فى بعض المناطق فأثر هذا على القصيده
3 / شممت رأئحه اسهاب غير مبرر كان من الممكن جدا الهرب منه
4 / بعض الاخطاء الاملائيه البسيطه
ويحسب لها الاتى :-
1 / ويبكى الشعر علشانى صوره متفرده جدا
2 / وبدّل دمّى ميه نار
تهلل فى شراينى صوره تتشاف وتتسمع وتتحس وتتشم
3 / وهرقى نفسى من عينكو
متين رقوه لفظه هأرقّى لفظه جديده على اذن المتلقى وفقتى فيها
4 / وفقت الشاعره فى اختار اللفظه والتركيب الجمالى للجمل للوصول بالحاله كامله للمتلقى
5 / الايقاع الموسيقى للقصيده مناسب للحاله جدا
6 / افتتاح ممتاز وجذاب
7 / ختام بقرار حقق صدمه للمتلقى
ملحوظه على هامش الكلام :-
فيبكى اللحن ويّايه
ويبكى الشعر علشانى
اذا غيرتى لفظه فيبكى فى الشطره الاولى للفظه يئن
وتكون
يئن اللحن ويايا
ويبكى الشعر علشانى
اعتقد انها ستكون اقوى واعمق واكثر روعه
اعتذر ان تجاوزت
تقبلى فائق احترامى وتقديرى
دمتى بكل خير