اللي اسمه ايه

موضوع: اللي اسمه ايه الأحد نوفمبر 28, 2010 8:41 pm

اللي اسمه ايه

نازل قصاد اللي اسمه ايه

فى اللي اسمه ايه

والحزب ايه مسكين يابيه

الرمز عــيش وطابور عليه

اسود مكلكع مش مهم

كل المهم الرمز فيه

ياسلام عليه

حبة عرق حبة كفاح

وكمان فصاحة وارتياح

طبعاً مايضمنش النجاح

فى اللي اسمه ايه

لانه اصله راح يشرف

خلف قضبان اسمه ايه

أما اسمه ايه

جهز دخوله بحاجه ايه

فيها المحاشي والكافيه

ووعودة دايماً اوه اوليه

زي اللي فاتت بالتمام

طيرا ف طرطير الكلام

والكل عارف بس زام

علشان ما تعرفش اسمه ايه

ها يعمل ايه

ابو رمز واضح بنلاقيه

ونشوفه شهرياً وايه

جواه سنابل قمح مال

ماهوش محلي صنف عال

كاسر نفوس الاحتمال

ما تقولش ليه

عشان اسمه ايه

تلاتين سنة

خلاها بله ومعجنه

دوقنا الوان العنا

ياما وعدنا بالهنا

لا لا لا لا لا لا لا

كل الهنا ليك انت وحدك

الهط ...الهط !!!

واحنا ايه

لو حتى يدهسنا اسمه ايه

خلانا في بلادنا عبيد

للأجنبي والمستفيد

خصخصنا حتى ف الجريد

هانبيع هدومنا والاثاث

حتى الفانلة واللي ايه

اللي اسمه ايه

الصبر منا خلاص نضح

والكيل على الاخر طفح

حرمان وزاد والحال صبح

كا الامس بالكربون

ما فيه اللي اسمه ايه

يارب تهدي لنا اسمه ايه

ونشوف معاه اللي اسمه ايه

قبل اسمه ايه

بجد اللى اسمه ايه اللى حضرتك ابدعت فيه ده مش عارف اقول عليه ايه

ماشالله عليك يا استاذ

كلام واضح ومفهموم وباين للى اسمه ايه اما اللى اسمه ايه فصعب انه يفهم كلامك لانه عايش

فى اللى اسمه ايه وربنا يخللينا ابن اللى اسمه ايه والللى قاعدين حواليه يظبطولو اللى اسمه ايه

اما احنا بقى فالينا ربنا اللى اكبر من اللى اسمه ايه.

روعة الروعة حقيقى

الشاعر الكبير
حنفى يسرى سرحه
المهم انى اللى كتب اللى اسمه ايه
مبدع يا بيه
تحياتى لنصك الرائع
وجمال ابداعك
فى اللى اسمه ايه

lordmody كتب:: بجد اللى اسمه ايه اللى حضرتك ابدعت فيه ده مش عارف اقول عليه ايه

ماشالله عليك يا استاذ

كلام واضح ومفهموم وباين للى اسمه ايه اما اللى اسمه ايه فصعب انه يفهم كلامك لانه عايش

فى اللى اسمه ايه وربنا يخللينا ابن اللى اسمه ايه والللى قاعدين حواليه يظبطولو اللى اسمه ايه

اما احنا بقى فالينا ربنا اللى اكبر من اللى اسمه ايه.

روعة الروعة حقيقى

............................

الشاعر الجميل الاستاذ (مودي

اشكر مرورك الكريم وردك الواعي

الذي اسعدني غاية السعادة

وعلى رأيك ربنا يعوض علينا بالجنة

دمت بكل ود

محمد سرور كتب:: الشاعر الكبير
حنفى يسرى سرحه
المهم شانى اللى كتب اللى اسمه ايه
مبدع يا بيه
تحياتى لنصك الرائع
وجمال ابداعك
فى اللى اسمه ايه

...................

الزجال الرائع الاستاذ محمد سرور

مفيش كبير الا الله عالم بينا

ندعوه يهديه ويهدينا أمين

تسلم و يسلم مرورك الجميل

الرائع دائما يسرى حنفى هو فيه ايه رائعة يا استاذ تقبل مرورى ومستنيك تنورنى يا باشا

الشاعر الرائع الكبير المبدع

الاستاذ يسرى الحنفى

روعه روعه جدا تسلم يارب

على امتعنا بتلك الكلمات التى خرجت من

قلبك ومن قلوبنا جميعا لما نشعر به من واقع مرير

بس اللى اسمه ايه كابس على نفسنا معرفش ليه

وربنا يبعده عن بقا

تثبت القصيده لروعه معانها عن اللى اسمه ايه

تقبل مرورى وتقديرى

الشاعر الجميل حمدي شيبة

هوا مافيش حاجة بصرحة

أنت بتنورني بمرورك الجميل

وأنا با سعد جداً بكدة ربنا يخليك ليا

ولا يحرمني مرورك الكريم
شكرا

أميرة البدرى كتب:: الشاعر الرائع الكبير المبدع

الاستاذ يسرى الحنفى

روعه روعه جدا تسلم يارب

على امتعنا بتلك الكلمات التى خرجت من

قلبك ومن قلوبنا جميعا لما نشعر به من واقع مرير

بس اللى اسمه ايه كابس على نفسنا معرفش ليه

وربنا يبعده عن بقا

تثبت القصيده لروعه معانها عن اللى اسمه ايه

تقبل مرورى وتقديرى

يسلم مرورك الجميل استاذة أميرة

بجد مروراجمل كتيرمن الكلام

كلام بطعم العيش والحلاوة

ربنا يكرمك ولا يحرمني مرورك الكريم

ويكفينا شر اللي اسمه ايه أمين يارب العالمين

شاكرلتثبيت العمل وربنا يستر

شكرا

يا أبو سرحه ماله ال اسمه ايه

يعني في يوم ال اسمه ايه

انت مارحتش ال اسمه ايه

صوّت فيه لل اسمه ايه

و قبضت حق ال اسمه ايه

و للا اسمه ايه

ما نزلش رمز ال اسمه ايه

و سقّطوه ف ال اسمه ايه

ههههههههههههههه

بجد تسلم ايدك يا يسري

و سلم لي ع ال اسمه ايه

أخي العزيز و رفيق الدرب الاستاذالشاعر\جابر

الزهيري.اشكرك اخي لمرورك الكريم الذي اسعدني كثيراً

وياريت ما تنساش أخوك لو راح اسمه ايه ما باحبش

الحلاوة ياريت عيش وجبنةلآن لو جبت كبدة هاياخدها

اسمه ايه.دام لي مرورك الكريم

تسلم الايادى ع اللى أسمه أيه .. من أبداع لآبداع دائما .. نصيحه من أبن .. خلى بالك م اللى أسمه أيه

اشكر مرورك الجميل

ابني الغالي حسام المصري

وخليها على الله ربك يستر

ده كلام بلاش نتكلم كمان

دي تبقى مصيبة.. مشكور حسام

الله الله الله
إيه يا أستاذنا الجمال ده
دا اللي اسمه ايه
من كتر مااحترنا
ودوّرنا عليه
لقيناه بيشرق في الكلام اللي برق
من يسري سهاه وانسرق
في القلب علّم واترشق

سلمت يداك أخي الحبيب

الاستاذ الشاعر المتميز عربي شريف

الف شكر على مرورك الجميل وابياتك

الاكثر من رائعه اخي لقد وجدت فيك

الشاعر المتمكن الذي يعي ما يقول

من اول كلمةاتمنى ان نتقابل قريباً

تحياتي وخالص ودي

كلام ولا أحلى
وإبداع ولا أروع
دمت مبدعا ودام قلمك
وأرجو من حضرتك إرسال
رقم المحمول في رسالة خاصة للأهمية

كلام ولا أحلى
وإبداع ولا أروع
دمت مبدعا ودام قلمك
وأرجو من حضرتك إرسال
رقم المحمول في رسالة خاصة للأهمية

ا أخي الشاعر القدير / حنفي يسري سرحة
للي اسمه ايه

افتكرتها قصيدة عم أمين الديب

لأنه الوحيد اللي قال الإيفيه ده

ولسه بيقوله للآن في الندوات يا عم يسري

وقصيدته دي مشهورة ودخّلته اللي اسمه ايه

وبسببهابهدلوه اللي اسمهم ايه

فياريتك تشوف لك إفيه غير اللي اسمه ايه عشان

متروحش في اللى اسمه ايه انت كمان !

وربنا يجعل كلامنا خفيف عليهم!

الاستاذ احمدالشاعر

اشكرك جزيل الشكر

على مرورك الكريم

وكلماتك الرائعة

أما عن التليفون

أن شاء الله لمااشوفك

الف شكر حبيبي
..............

الاستاذة الشاعرة الاخت والعزيزة \وفاء أمين

والله انا ما اعرف الحكاية دي الا قريب ولو

ثبت لي ان الكلام متشابه سوف اقوم بألغائها

الاستاذ امين الديب عمنا ولا يرضيني التجرئ عليه

ولو بالصدفة اما اذا كانت مجرد توارد خواطر فلا

فا كلمة اللي اسمه ايه نتداولها مع بعضنا البعض

في كل مكان ام كانت ستحدث اي مشكل وعد مني ساالغيها

............

اما عن موضوع اللي اسمه ايه لا تخافي ربنا

معاناويقوينا في اي مكان حتى نرتاح ما اللي اسمه

تحياتي ايتها الشاعرة الرائعة ربنا يكفينا شر اسمه

ايه..خالص ودي وتقديري

يسري حنفي سرحه كتب:

الاستاذ احمدالشاعر

اشكرك جزيل الشكر

على مرورك الكريم

وكلماتك الرائعة

أما عن التليفون

أن شاء الله لمااشوفك

الف شكر حبيبي
..............

أستاذنا الفاضل يسري سرحه
أشكركم على التعليق على كلماتي البسيطة
وأما عن طلبي للتليفون فما كان مني إلا محاولة للتعرف على شخصكم الكريم
ولكن أما وقد ظهرت صورتي وعرفت أني عربي شريف
فاسمح لي أخي الكريم أن أبيّن لك سبب اختلاف الاسم
يبدو أن الأخ محمد سرور قام بتغيير الباس وورد الخاص بي كما فعل تماما في منتدى الرابطة الأم
وذلك عقب قصيدتي
وما يؤسفني حقا أن يكون هذا هو الأسلوب في التفاهم والتحاور والتقارب
فقد ولّى تماما أخي الكريم تكميم الأفواه
وقد وضحت رأيي وتقبلت وجهة نظر الأستاذ الكبير محمد البهنساوي ووجهة نظر حضرتك كشاعرين كبيرين أعتز بهما وألمس فيهما القدوة والمعلم
ولكني ألتمس للأستاذ محمد سرور بعض العذر
وربما دفعه لذلك غيرة على الزجل والزجالين
ولكن يعلم الله أنني أشد منه غيرة وكانت تلك الغيرة الدافع لكتابة كلماتي
أرجو من حضرتك تقبل تقديري واحترامي لشخصكم الكريم
وأرجو لفت نظر المشرفين على الموقع أن تغيير الباس وورد أو شطب العضوية ليس الحل الأمثل لغلق باب المناقشة في الموضوعات
ولسيادتكم جزيل الشكر والتقدير

[center]الاستاذالشاعرعربي شريف اشكرك أخي العزيز على كل

هذاالمرور الذي اسعدني كثيراً . اما عن الموضوع الخاص

بك أعدك اول ما افوق من الجرداللي عندي في العمل سوف

أقوم أن شاءالله بتسوية كل شئ لاتقلق ايها الشاعر

الذي احترم ابداعه الجيد .خالص ودي

الله عليك يا بيه
واسمع هاقولك ايه
بلدى ومش عارفه اعيش فيها
و غيرى غرقان فى لياليها
احنا الطبقه الاوسطيه
اللى فى الهم منسيه
وهم الصفوه الغنيه
اللى فى العز متهنيه
وهنعمل ايه فى اللى اسمه ايه
دول ثمنين مليون بيدعوا عليه
و ما فيش فايده يا بيه
قولى بقى الحل ايه
اللى هيعرف هاياخد جنيه

[center][b]
بسم الله ماشاء الله الله ينور عليك يااستاذنا بجد موضوع رائع ومضونة اروع واروع
ربنا يزيدك من الموهبة الجميلة اكتر واكتر
تلميذك واللى يشرفنى جدا اكون تلميذك
هشام النبتيتى
أحلى ورده

الاستاذة الشاعرةبنت النيل

تحياتي اليك ولردك الجميل الذي

اسعدني كثيراًحتى تفاعلتي معه هاكذا

اشكرك جزيل الشكر ولاحرمني الله مرورك الكريم

خالص ودي وتقديري

» إلى صنم اسمه حبيبى(قصيدة للشاعر المتميز أحمد علام )
» أبوس التراب اللي مشيوا عليه