شهقة خوف (لشاعر العامية الكبير الأستاذ عادل سند)

قصيدة لشاعر العامية الكبير عادل سند

شهقة خوف
وانا اللى كنت متصوّر
حنطفى الشوق برؤياكى
ززهر العمر حيفتّح
بلقياكى .
وكان ويّاكى مش بحسب
انا عمرى
وبندم عاللى فات منه
واشوف عمرى اللى جاى لحظه
اعيشها بس ف عنيكى
طويت الارض مااعرفشى
طويتها إزاى
وفرح الدنيا فى عيونى
ولابس احلى ماعندى
وراشش عطرك الهادى
هديه ليّه جبتيها
فى ليلة حفل ميلادى
وروحى سابقه رجليه
وباتخيّل
لخصرك لفّه بايديه
وانا بهمسها فى ودانك
وحشتينى .
وانا جايلك شغلتينى
وصلت لدورك الرابع
ولسّه حادوس زرار بابك
وانا ناسى بإنّك
ساكنه فى السابع
وقفت كتيييير . على بابك
وفيييييين . جيتى فتحتيلى
وشهقة خوف حبستيها
وشفت الدهشه فى عيونك
وزاد الوسع فى جفونك
ورعشة إيد على صدرك
بتفشل إنها تلضم
عراوى توبك الفاضح
وكان واضح
فى تلج إيديكى نار تغلى
دمايا جوّه فى عروقى
دا إنتى ؟؟!!
لأه مش إنتى !!
ولا ده شكل محبوبتى
اكيد خنتى .
وعدّوا لحظتين فى عذاب
رميت جسمى على كرسى
بجنب الباب
وغاب عقلى .. وهيألى
بأنى فى مكان تانى
لكن لأه ..
دا نفس الركن والشقه
على كرسيّه كان قاعد
حبيب تانى
وجنبه شمعدان عاكس
على وشّه
توتر وإمتزج بالخوف
بيتحاشى يكون بينى
وبين عينه
خيوط الشوف
وبيحاول يعيد ترتيب
زراير فى عراويها
ويمسح روج على كتافه
بقع م الصعب يخفيها
بدأ يفرك كفوف إيده
ببعضيها .
وخد شربه من الميّه
وعالترابيزه فنجانه على صينيه
وطفايه ومليانه
وفيها الجمر راح يفضح
ورق مناديلها المرمى
بروج الوانه ورديه
هديه جبتها ليها
بكل الحب اهديتها
عشان غيرى يدوق زيتها
ولذتها .
لكن لذه . ومش ح تطول
ومش ح يدوم
عشان غيرك
ح ييجى ف يوم
فى نفس الركن يتدفى
ويستعفى . عشان يروى
جدور مشتاقه للميّه
وتقعد قعدتى ديّه .
منا قبلك
كفوفى فاركه بعضيها
وازرارى بنفس الرعشه
ردتها ف عراويها
ونفس الروج فى قمصانى
على كتافى
بقع صعبه
لحد اليوم بازيل فيها
فى ساعة دخلة العاشق
حبيبها اللى كان قبلى
وعدوا اللحظتين فى عذاب
توازنه إختل .. ساعتها
رمى جسمه على كرسى
بجنب الباب ...

أخويا الكبير والشاعر المبدع عادل سند

الله عليك يا كبير

الكبير كبير بجد

أيه الروعة دى كلها

طب خلى شوية على جنب لينا

ربنا يديم عليك الإبداع

أستاذ الشاعر الكبير عادل سند

الله عليك يا عمنا

دا حضرتك مدرسة بجد هانروح فين جنبك

شكراً ليكى يا رشا على نقلك لهذا الإبداع

الجميله رشا دائما تأتى بكل ما هو رائع وجميل

ابداع مميز وقصيده اكثر من رائعه لجراح الحرف

الاستاذ عادل عوض سند

الله عليك استاذى وعلى روعه تصوير المشهد

بكاميرا تتجول فى جميع الاركان

وتصور المشهد بحرفيه واتقان

تثبت بواسطتى لروعه الشاعر

وروعه الكلمات

دمتم بكل خير وسعاده

رشا فؤاد كتب:: قصيدة لشاعر العامية الكبير عادل سند

شهقة خوف
وانا اللى كنت متصوّر
حنطفى الشوق برؤياكى
ززهر العمر حيفتّح
بلقياكى .
وكان ويّاكى مش بحسب
انا عمرى
وبندم عاللى فات منه
واشوف عمرى اللى جاى لحظه
اعيشها بس ف عنيكى
طويت الارض مااعرفشى
طويتها إزاى
وفرح الدنيا فى عيونى
ولابس احلى ماعندى
وراشش عطرك الهادى
هديه ليّه جبتيها
فى ليلة حفل ميلادى
وروحى سابقه رجليه
وباتخيّل
لخصرك لفّه بايديه
وانا بهمسها فى ودانك
وحشتينى .
وانا جايلك شغلتينى
وصلت لدورك الرابع
ولسّه حادوس زرار بابك
وانا ناسى بإنّك
ساكنه فى السابع
وقفت كتيييير . على بابك
وفيييييين . جيتى فتحتيلى
وشهقة خوف حبستيها
وشفت الدهشه فى عيونك
وزاد الوسع فى جفونك
ورعشة إيد على صدرك
بتفشل إنها تلضم
عراوى توبك الفاضح
وكان واضح
فى تلج إيديكى نار تغلى
دمايا جوّه فى عروقى
دا إنتى ؟؟!!
لأه مش إنتى !!
ولا ده شكل محبوبتى
اكيد خنتى .
وعدّوا لحظتين فى عذاب
رميت جسمى على كرسى
بجنب الباب
وغاب عقلى .. وهيألى
بأنى فى مكان تانى
لكن لأه ..
دا نفس الركن والشقه
على كرسيّه كان قاعد
حبيب تانى
وجنبه شمعدان عاكس
على وشّه
توتر وإمتزج بالخوف
بيتحاشى يكون بينى
وبين عينه
خيوط الشوف
وبيحاول يعيد ترتيب
زراير فى عراويها
ويمسح روج على كتافه
بقع م الصعب يخفيها
بدأ يفرك كفوف إيده
ببعضيها .
وخد شربه من الميّه
وعالترابيزه فنجانه على صينيه
وطفايه ومليانه
وفيها الجمر راح يفضح
ورق مناديلها المرمى
بروج الوانه ورديه
هديه جبتها ليها
بكل الحب اهديتها
عشان غيرى يدوق زيتها
ولذتها .
لكن لذه . ومش ح تطول
ومش ح يدوم
عشان غيرك
ح ييجى ف يوم
فى نفس الركن يتدفى
ويستعفى . عشان يروى
جدور مشتاقه للميّه
وتقعد قعدتى ديّه .
منا قبلك
كفوفى فاركه بعضيها
وازرارى بنفس الرعشه
ردتها ف عراويها
ونفس الروج فى قمصانى
على كتافى
بقع صعبه
لحد اليوم بازيل فيها
فى ساعة دخلة العاشق
حبيبها اللى كان قبلى
وعدوا اللحظتين فى عذاب
توازنه إختل .. ساعتها
رمى جسمه على كرسى
بجنب الباب ...

شكرا يا رشا على هذه الهدية القيمة التي لا تقدر بثمن
رائعة من روائع القدير عادل عوض سند

الله عليك شاعرنا القدير \عادل سند

سلمت لنا ودمت بكلماتك البديعه الخلابة

وتسلمى يااغالى رشا

نقلك موفق وراقى دائما

الله عليكي يارشا

الحقيقه مش عارف

اقولك ايه برافوا بجد

فصيده رائعه من شاعر

رائع من حسن حظي

ان قرئتها في منتدي الجندي

وتشرفت بالرد عليها

دام الشاعر ودام الأبداع

ودام وفائك الجميل

ايتها الخت الرقيقه

ابو سرحه..........

الاستاذ الشاعر الحبيب

علاء رزق

اشكرك على مرورك وكلماتك المشجعه

واشكر الابنه الغاليه رشا فؤاد لنشر تلك القصيده

كل التحية اخى علاء ..

الابن الرائع الشاعر

محمد مديح

شكراّ يا محمد على كرم اخلاقك وحسن

نعاونك الذى جغلنى انال شرف الإنضمام لهذا المنتدى الجميل

كل الشكر والتقدير .. .

السلام عليكم .. مجرد رأي
كلام من قلبي
الأستاذه الرائعه / رشــا
احترامي وتقديري

من الرائع جدا أن تأتي بهذه التحفه الرائعه
من كلمات الرائع جدا أستاذنا عادل عوض سند
واسمحي لي أن أقول له ...............
هاتروح فين يا أستاذنا مني ..؟
بالفعل كنت سعيد جدا بقراءتي لهذه الكلمات الرائعه

وكما تعودنا دائما .. أن نستفيد من كل كتاباتك ..

كل الشكر ليكي استاذه رشا
وكل الأمنيات الطيبه لأستاذنا عادل
وللجميع تحياتي

» إعتراف (لشاعر العامية الكبير عادل سند)
» الابن غير شرعى (لشاعر العامية الكبير أستاذ عادل سند )
» أهلاً وسهلاً بالمبدع الكبير عادل عوض سند
» قصيدة إعتراف للأخ والمبدع الكبير عادل سند ترجمة الأخ والشاعر طارق منيب
» رد على الأستاذ جابر الزهيري "يخلق من الشبه"